Dikàandi Gbɔŋku 26

1 ní ti-Dindaan bí Mooyiisi nì usaraaŋakpil Aarɔn jipɔɔn Eeleeyasaar yii:2 «Ní kàaǹ Isirayeel yab kɔkɔ, kí nóó nì adican nib kí kíĺ bin cáá abin mmuŋku kí nín cáa cée, bin kɔkɔ ŋūǹ kí bàl̄ tijanjawanee.»3 Ní Mooyiisi nì usaraaŋakpil Eeleeyasaar sòon̄ nì samaa Moowaab tantakal din pìlīǹ Jɔɔdan ki túĺ Jeeriikoo tiŋkee, ní ki bí-bi yii:4 «Tí kàaǹ Isirayeel yab kɔkɔ, kí yòon̄ bin cáá abin mmuŋku kí nīn cáa cée kii ti-Dindaan nín bí Mooyiisi yii ú ŋá puee.»

Isirayeel yab naakɔti tin nìn nyáń Eejipiti tiŋkinee nyɔkɔm sɔ̀.

5 Jaakɔb jipɔŋkpiliu Rubeen naakooku nì u-dicaŋŋi yab nín bí puee sèé. Eenɔki dicaŋŋi yab naanja di sá Eenɔki, Palu dicaŋŋi yab naanja di sá Palu. 6 Eesirɔn dicaŋŋi yab naanja di sá Eesirɔn, Kaarmii dicaŋŋi yab naanja di sá Kaarmii. 7 Rubeen naakooku dicaŋŋi yab nín sá puee dee. Bi nín kàan̄-bee bi-wíiŋŋu sá binib kutukub imuŋku ili nì bita nì alaataa aluli nì mmuŋku nì binib saalaa.

8 Palu jipɔɔn di sá Eeliyaab, 9 ní Eeliyaab jipɔmbi sá Neemuyeel nì Daatan nì Abiiram. Daatan nì Abiiram gbanti di nìn sá samaa kansikin bikpilib bin nìn yíkìi bíi kpākantí Mooyiisi nì Aarɔŋyee. Bi nìn dū Kooree yab ki kútì bi-ba pu bí jáǹ ti-Dindaan. 10 Kitiŋ nìn wāaǹ ki-nyɔkɔ ki dū-bi ki náĺ ki kpáaǹ Kooree. Ŋwiin gbantee, ŋŋmi nìn wùn̄ binib kulaafaau nì imuŋku ili nì saalaa, bi nì bi-nimbiliŋ án nīn sá kudaaŋŋu ki tīī samaa. 11 Ama Kooree jipɔmbi kaa nìn kpíì yaadal.

12 Simeeyɔn naakooku nì u-dicaŋŋi nín sá puee sèé. Neemuyeel dicaŋŋi yab naanja di sá Neemuyeel, Yamiini dicaŋŋi yab naanja di sá Yamiini. Yakiin dicaŋŋi yab naanja di sá Yakiin. 13 Seera dicaŋŋi yab naanja di sá Seera. Kawul dicaŋŋi yab naanja di sá Kawul, 14 Simeeyɔn naakooku dicaŋŋi nín nìn sá puee dee. Bi nín nìn kàan̄-bee, bi-wíiŋŋu nìn nyáń binib kutukub mmuŋku nì bili nì binib kulaafaau.

15 Gaadi naakooku nì u-dicaŋŋi nín sá puee sèé. Seefaniya dicaŋŋi yab naanja di sá Seefaniya, Agii dicaŋŋi yab naanja di sá Agii. Suuni dicaŋŋi yab naanja di sá Suuni. 16 Oosinii dicaŋŋi yab naanja di sá Oosinii, Eerii dicaŋŋi yab naanja di sá Eerii. 17 Aroodi dicaŋŋi yab naanja di sá Aroodi, Areel dicaŋŋi yab naanja di sá Areel. 18 Gaadi naakooku dicaŋŋi nín nìn sá puee dee. Bi nín nìn kàan̄-bee bi nìn nyáń binib kutukub imuŋku ili nì alaataa aŋmoo.

19 Juuda naakooku nì u-dicaŋŋi nín sá puee sèé. Juuda jipɔmbi di sá Eer nì Oonan, ama bi-liitil nìn kpíì Kanaan tiŋkin. 20 Juuda naakooku dicaŋŋi ŋin kíǹee sèé. Seela dicaŋŋi yab naanja di sá Seela, Peereeki dicaŋŋi yab naanja di sá Peereeki ní Seera dicaŋŋi yab naanja sá Seera. 21 Peereeki nìn cáá jipɔmbi bili. Bi nìn yíì ubɔ Eesirɔn. Úǹ di sá Eesirɔn dicaŋŋi yab naanja. Bi nìn yíì un kíǹee Amuul, u mun di sá Amuul dicaŋŋi yab naanja. 22 Juuda naakooku dicaŋŋi yab nín nìn sá puee dee. Bi nín nìn kàan̄-bee, bi nìn nyáń binib kutukub binaa kpá imuŋku inaa nì binib alaataa aŋmoo.

23 Isakaar naakooku nì u-dicaŋŋi nín nìn sá puee sèé. Toola dicaŋŋi yab naanja di sá Toola, ní Pufa dicaŋŋi yab naanja sá Pufa. 24 Yasuub dicaŋŋi yab naanja di sá Yasuub ní Simroon dicaŋŋi yab naanja sá Simroon. 25 Isakaar naakooku dicaŋŋi yab nín nìn sá puee dee. Bi nín kàan̄-bee, bi nìn nyáń binib kutukub imuŋku ita nì binaa nì binib alaataa ata.

26 Sabulɔn naakooku nì u-dicaŋŋi yab nín nìn sá puee sèé. Seereedi dicaŋŋi yab naanja di sá Seereedi. Eelɔn dicaŋŋi yab naanja sá Eelɔn, ní Yaleel dicaŋŋi yab naanja sá Yaleel. 27 Sabulɔn naakooku dicaŋŋi yab nín nìn sá puee dee. Bi nín nìn kàan̄-bee, bi nìn nyáń binib kutukub imuŋku ita nì binib alaataa aŋmoo.

28 Jooseefi jipɔmbi Manasee nì Eefiraayiim yab nín nìn pēē pēē mmaal puee sɔ̀. 29 Manasee naakooku nì u-dicaŋŋi nín nìn sá puee sɔ̀. Makiir dicaŋŋi yab naanja di sá Makiir ní Makiir màl̄ Galaadi. Galaadi dicaŋŋi yab naanja di sá Galaadi. 30 Galaadi dicaŋŋi nín nìn sá puee sɔ̀. Yeeseer dicaŋŋi yab naanja di sá Yeeseer. Eeleeki dicaŋŋi yab naanja di sá Eeleeki. 31 Asiriyeel dicaŋŋi yab naanja di sá Asiriyeel, Siikeem dicaŋŋi yab naanja di sá Siikeem. 32 Seemiida dicaŋŋi yab naanja di sá Seemiida ní Eefeer dicaŋŋi yab naanja sá Eefeer. 33 Eefeer jipɔɔn Seeloofaadi kaa nìn màl̄ kibininjabiki, mbinimpubiyaamu ŋma ní u nìn màl̄. Bi-yiŋŋi di sá Maala nì Nɔɔwa nì Ɔgila nì Miilka nì Tiirsa. 34 Manasee naakooku dicaŋŋi yab nín nìn sá puee dee. Bi nín nìn kàan̄-bee, bi nìn nyáń binib kutukub imuŋku ili nì saalaa nì bili nì alaataa aluli.

35 Eefiraayiim naakooku dicaŋŋi yab nín nìn sá puee sɔ̀. Suteela dicaŋŋi yab naanja di sá Suteela. Beekeer dicaŋŋi yab naanja di sá Beekeer, Tayan dicaŋŋi yab naanja di sá Tayan. 36 Eeran dicaŋŋi yab naanja di sá Eeran, Suteela jipɔɔn. 37 Eefiraayiim naakooku dicaŋŋi yab nín nìn sá puee dee. Bi nín nìn kàan̄-bee, bi nìn nyáń binib kutukub mmuŋku nì saalaa nì bili nì binib alaataa aŋmoo. Jooseefi jipɔmbi naakɔti dicaŋŋi yab nín nìn sá puee dee.

38 Beenjameen naakooku dicaŋŋi yab nín nìn sá puee sɔ̀. Beela dicaŋŋi yab naanja di sá Beela. Aseebeel dicaŋŋi yab naanja di sá Aseebeel. Ayiiram dicaŋŋi yab naanja di sá Ayiiram. 39 Sufam dicaŋŋi yab naanja di sá Sufam. Ufam dicaŋŋi yab naanja di sá Ufam. 40 Beela nìn cáá jipɔmbi bili ní: Ardi nì Naaman. Ardi dicaŋŋi yab naanja di sá Ardi, ní Naaman dicaŋŋi yab naanja sá Naaman. 41 Beenjameen naakooku dicaŋŋi yab nín nìn sá puee dee. Bi nín nìn kàan̄-bee, bi nìn nyáń binib kutukub imuŋku ili nì biŋmoo nì binib alaataa aluu.

42 Daani naakooku dicaŋku pée sá kubɔ ní. Kúǹ di sá Suyam, ní u-dicaŋku yab naanja sá Suyam. 43 Daani naakooku dicaŋku yab nín nìn sá puee dee. Bi nín nìn kàan̄-bee, bi nìn nyáń binib kutukub imuŋku ita nì binaa nì binib alaataa anaa.

44 Aseer naakooku dicaŋŋi nín nìn sá puee sɔ̀. Yiimina dicaŋŋi yab naanja di sá Yiimina, Yisfii dicaŋŋi yab naanja di sá Yisfii ní Beeriya dicaŋŋi yab naanja sá Beeriya. 45 Beeriya nìn cáá jipɔmbi bili: Eebeer nì Malkiyeel. Eebeer dicaŋŋi yab naanja di sá Eebeer, ní Malkiyeel dicaŋŋi yab naanja sá Malkiyeel. 46 Aseer nìn màl̄ kibinimpubiki, bi yíì-kì Seera. 47 Aseer naakooku dicaŋŋi yab nín nìn sá puee dee. Bi nín nìn kàan̄-bee, bi nìn nyáń binib kutukub imuŋku ili nì saalaa nì bita nì binib alaataa anaa.

48 Neefitalii naakooku dicaŋŋi nín nìn sá puee sɔ̀. Yasiyeel dicaŋŋi yab naanja di sá Yasiyeel ní Gunii dicaŋŋi yab naanja sá Gunii. 49 Yeeseer dicaŋŋi yab naanja di sá Yeeseer ní Siileem dicaŋŋi yab naanja sá Siileem. 50 Neefitalii naakooku dicaŋŋi yab nín nìn sá puee dee. Bi nín nìn kàan̄-bee, bi nìn nyáń binib kutukub imuŋku ili nì biŋmoo nì binib alaataa anaa.

51 Bi nín kàan̄ Isirayeel yab kɔkɔee, bi nìn nyáń binib kutukub alaataa aluu nì kutuku ubɔ, nì binib alaataa aluli nì mmuŋku nì saalaa.

Ti-Dindaan dàkā bi nín máaǹ kí yàkatī ntimu puee

52 Ti-Dindaan bí Mooyiisi yii: 53 «Á yàkatī ntimu kí tīī tinaakɔti tin a kàan̄ee nib kí táá nì bi-wíiŋŋu nyɔkɔm. 54 Á tīī kunaakoou kamaa kitiŋ kí táá nì ku-nib bin bi kàan̄ee wíiŋŋu. Kun nib yaa wīikée, á tīī-bi kitiŋ ń nīn wīikí. Bin kaa náaǹee, á tīī-bi án ŋmàntī-bi. 55 Kitiŋ gbanti yàkatitamee, an sá yii ní tɔ̄ tinaakɔti saalaa nì tilee pu kasi ní kunaakoou kun yab yaa jíń laakiŋyee ń yòon̄ niin. 56 An tí sá ní tɔ̄ kasi ní án lēē laakin sá ní tīī bin nib wīikée nì bin yab kaa náaǹee^a.»

Bi kàan̄ Leefii yab nliliitiim

57 Leefii naakooku dicaŋŋi ŋin bi nìn kàan̄ee sɔ̀. Geersɔn dicaŋŋi yab naanja di sá Geersɔn ní Keeyaati dicaŋŋi yab naanja di sá Keeyaati ní Meemaar dicaŋŋi yab naanja sá Meemaar. 58 Leefii naakooku yab biba mun sɔ̀. Liibinii naakooku yab nì Eebrɔn yab nì Maalii yab nì Musii yab nì Kooree yab. Keeyaati di màl̄ Amiiraam, 59 ní u cáá Yookeebeedi, Leefii bisal un bi màl̄ Eejipiti tiŋkinee, ní úǹ màl̄ Amiiraam mbiyaamu muta: Aarɔn nì Mooyiisi nì bi-niisal Miiriyam. 60 Ní Aarɔn màl̄ mbininjabiyaamu munaa: Nadaab nì Abiyuu nì Eeleeyasaar nì Itamaar^b. 61 Ama Nadaab nì Abiyuu kpíì, kun puee bi nìn mɔ́fìń ŋŋmi laaba ki cáań kí ŋá ti-Dindaan nimbiin saraa^c. 62 Bi nín nìn kàan̄ mbininjabiyaamu, kí kíĺ bin cáá uŋmal ubɔ kí nīn cáa cée, bi nìn nyáń binib kutukub mmuŋku nì bita ní. Ŋyunti ŋun bi nìn kàan̄ Isirayeel yabee, baa nìn kàan̄ bíǹ, kun puee baa làá tīī bíǹ kitiŋ kii bi nín làá tīī Isirayeel yab bin kíǹee ntimu puee.

Dikàandi bɔti nín kúntì puee

63 Mooyiisi nì usaraaŋakpil Eeleeyasaar nín nìn kàan̄ Isirayeel yab Moowaab tantakal din pìlīǹ Jɔɔdan ki túĺ Jeeriikooyee, bi nín nìn nyáń puee dee. 64 Isirayeel yab gbanti kansikinee, baa nìn gíti ká bin ní Mooyiisi nì usaraaŋakpil Aarɔn nìn kàan̄ Siinaayi teekunee báà ubɔ^d. 65 Di sá ti-Dindaan nìn tùkū-bi yii bi làá kpú kuteeun. Míǹ puee bi-kansikin báà ubɔ kaa nìn gíti kíǹ, see Yeefunee jipɔɔn Kaaleeb nì Nuuni jipɔɔn Joosuwa di nìn kíǹ.