Dinyeel 10

Noowa naantiibi bɔti

(Kpèè 1 Kroo 1.5-23)

1 Nnyiŋgbeen boonee, Noowa jipɔmbi Seem nì Kaam nì Jaafeeti màl̄ ki būtì. Bi-maaliŋu biyaamu sɔ̀.

2 Jaafeeti jipɔmbi di sá Goomeer nì Maagoogi nì Madeeyi nì Yafan nì Tubaal nì Meeseeki nì Tiiraasi. 3 Goomeer jipɔmbi yiŋŋi di sá Asikeenaasi nì Riifati nì Toogarma. 4 Yafan jipɔmbi yiŋŋi di sá Eeliisa nì Taarsiisi nì Kiitiim nì Roodaniim. 5 Bíǹ maaliŋu gbanti di yàl̄ kitiŋ kɔkɔ pu ki kíǹ ki kóò akiti akiti ki nóó nì dinikitil kamaa sooŋyi nì di-naakooku nì di-tiŋki nì di-timbundi.

6 Kaam jipɔmbi di sá Kusi nì Miisirayiim nì Puuti nì Kanaan. 7 Kusi jipɔmbi yiŋŋi di sá Seeba nì Afiila nì Sabita nì Raama nì Sabiteeka. Raama jipɔmbi di sá Keeba nì Deedan. 8 Kusi jipɔɔn ubɔ di sá Niimroodi, úǹ di sá ubaatandaan upeekaa kitiŋ pu. 9 U nìn sá ukpaŋkpil ní ti-Dindaan nimbiin, an pu ní bi ŋá dilimbil yii: «Ukpaŋkpil ti-Dindaan nimbiin kii Niimroodee.» 10 Ntimu mun poon u péé ki jíń dibeelee di sá Siinaar timmu mun bi yíì Babeel nì Eereeki nì Akaadi nì Kalneeyee. 11 Boonee ní u yíkì Siinaar timmu gbantin ki nín cá Asuur tiŋkin. U bàn̄ niinee ní ki náań Niiniifi nì Reewoobooti-Iirii nì Kaalaa timmu. 12 Ní ki dāa náań Reeseen tiŋki kin bí Niiniifi tiŋki nì Kaalaa tiŋkpaaŋki kansikinee.

13 Miisirayiim di màl̄ Luudi yab nì Anam yab nì Leeyaab yab nì Naafutu yab 14 nì Patrusi yab nì Kasluu yab bin maaliŋu poon Fiiliistii yab nyánnée, nì Kafitoor yab.

15 Kanaan màl̄ u-jipɔmpeepeekaau Siidɔn, ní ki dū Eeti ki páaǹ. 16 Kanaan gbanti naantiibi di sá Jeebusi yab nì Amɔɔr yab nì Giirgaasi yab 17 nì Eeti yab nì Arkii yab nì Siini yab 18 nì Arfaadi yab nì Seemaar yab nì Amati yab. Boonee ní Kanaan yab naakɔti yàl̄, 19 ní bi-tiŋki wāaǹ ki yōoǹ Siidɔn tiŋki ki jítì Geeraar tiŋki ki tin bàn̄ Gaasaa, ní ki dūu dī Soodoom nì Goomoora nì Adima nì Seebooyiim watil pú ki tin cáa sāā Laasaa. 20 Kaam biyaamu nín yākatì pu ki nóó nì bi-naakɔti nì bi-sooŋyi, ki bí bi-timmu nì bi-timbuŋŋi poonee dee.

21 Seem un sá Jaafeeti maanee mun màl̄ mbininjabiyaamu. Seem di sá Eebeer nì u-maaliŋu kɔkɔ naanja. 22 Seem jipɔmbi yiŋŋi di sá Eelam nì Asuur nì Aripakisaadi nì Luudi nì Aram. 23 Aram jipɔmbi di sá Uuti nì Uul nì Geeteer nì Maasi. 24 Aripakisaadi màl̄ Seera, ní Seera màl̄ Eebeer. 25 Eebeer màl̄ mbininjabiyaamu muli ní. Bi yíì kipeekaai yii Peeleegi, kun puee kíǹ yuntiŋu ní binib cúu yākatì tɔbin kitiŋ pu. Ní ki yíì kililiitii yii Yookitan. 26 Ní Yookitan màl̄ Almoodaadi nì Seeleefi nì Asalimafeeti nì Yeeraki 27 nì Adooram nì Usaal nì Dikila 28 nì Oobaal nì Abimayeel nì Seeba 29 nì Oofiiri nì Afiila nì Yoobaab. Bíǹ kɔkɔ di sá Yookitan jipɔmbi. 30 Bi nìn kóò kitiŋ kin dɔ̄ kí yòon̄ Meesa kí cáá sāā Seefaar dijool din bí ŋwìiń nyalaŋki púee. 31 Seem biyaamu nín yākatì pu ki nóó nì bi-naakɔti nì bi-sooŋyi, ki bí bi-timmu nì bi-timbuŋŋi poonee dee.

32 Tinaakɔti tin kɔkɔ nyánní Noowa maaliŋunee dee, kunaakoou kamaa nì ku-maaliŋu nì ku-timbuŋŋi. Ki dī bíǹ pu ní atimbun kɔkɔ yàl̄ ki gbí kitiŋ kɔkɔ pu nnyiŋgbeen boon.