Baloa nda
Yuda
Moo a yɔnga
Baloa nde, bakoga yu bende Yuda nde nga, Yuda yɛu ai aandeki yu. Yuda ai aengodi iyɛ nganga ate a nde ntoba-Yakɔbɔ, mmbe ai ntoba-Yesu ndɔ. Ang'a indɔ, bato bálebei bende Yuda a nde moti adha baàya la Yesu (Yuda 1). Lenga la sinde baloa nde aiki nee, a nde bía ai aeandekei yu nde baYuda. Nangɛ bo, aɔnɛani go bende aeandekei bande baekoga bate, bakóndaga nde ba Ebha Mokonga, na bande Yesu Kilisitɔ aelanga. A nde bía ai aandeki baloa nde nde a elemɔ 60 mbusa a bɔtɛana la Yesu Kilisitɔ.
Inde ai aangisi aeandekea bakilisitɔ bɔbhu baloa nde ai nde hana l'abɔ nga, bàgolisi a mbéa baebungisaga-i na egolisi nd'abɔ nd'ajede ndɔ (Yuda 4).
Buanaga la baloa
1. Bòlabhɛ nda Yuda ang'a bande aeandekei (1-2).
2. Hana l'abɔ a yɔnga la bàgolisi a mbéa (3-4)
3. Gabhea l'abɔ mbunde toa la ang'a bato nde ba Nsaeɔ nda Kala (5-16).
4. Ngodea l'abɔ bende atɔlɛli balebeɛ maanɔ nde aepi ndɔ (17-23).
5. Lumia la baloa-li na ebhebhɔ ang'a Mokonga (24-25).