Baloa l'inda isalɔ nda
Yɔani
Kɛngɛtisa
Yɔani ai aandeki baloa nde iyɛ na aekoga bende: «Nkpɛga» nde ma asub'a a Kanisà. A baloa l'inda ibale, Yɔani ai aeandekei nde bato batì a yɔnga la tea la bagolisi a mbéa. Mpa baloa l'inda isalɔ nde, ankumii au nde nto moti mmbe bankoga bate Gayo, nangi manja nde maa asub'a Kanisà. Ai aetabela na kɔlɛla la nkási bande ai babhia bía batetei nde ba Mokonga. Na go, ai bansolei a mbinɔ a yɔnga la Diɔtɛlɛfɛ nga nkani nde ai nee la makanga juana la na badhaɛ. Ang'a indɔ, Yɔani ab'aɔna bende atɔlɛli abhiɛ iyɛ nganga nga, amanisɛ nkokoto ndɔ.