Zlan malaɓ ege
Lamar zlap
Ara Luka ma ŋter ɗerewel zlan malaɓ ege. A ŋterene ca, ŋ Tawfəylus ŋ velene ɓarɓar. Ɗerewel zlan malaɓ ege ca, a kasəbar Ma Mewe ma Taŋtaŋ mala Luka. Ɗerewel zlan malaɓ ege a zlap ca, ata ma maa malaɓ Yesu ege əy jeɓza Mewe ma Taŋtaŋ ŋ Urusaləyma, ŋ Yahudəya, ŋ Samarəya leŋ ŋ manhayak tewtew.
A dəwze maa Gazlavay a ŋta Yesu aza mgba ata uzlaf ca, malaɓ anta ege əy kághwalza Ma Mewe ma Taŋtaŋ a ɓarɓar Zəwet ma keweɗ maa a leɓetene. Ana ebe ŋghe, Luka ca, a zlap a heɗe a heɗe ata lamar ey lagal lajav hejəye ma lamza ma mala Yesu ege aza. Mar aka ata Fasluwal 1 ha fasluwal 12, a kazlap ata zlan maa ata Pəyer ey malaɓ ege vedəye əy lata, ata fasluwal 13 ha ata fasluwal 28, a kazlap ata zlan ma ata Pawl ey hejəye ma cekzene ŋ la zlan anta ege ŋ taba Yahudu ege leŋ ŋ taba mbəlam ege vedəye. Pawl kéŋcəwer uzam ey hayak ege gas mahkaɗ ŋ ghwalza Yesu ca, ara mereh manhayak tewtew.