Ainaina maikai Ruma
3:1-18
3
Cina ro angi ra meci b̄a nahu! Akeku sura nahu ma ka^duakaina d̄i ru'u b̄a nggomid̄oho.D̄i ade d̄ua mbua sura ake, nahu ma'usaha loakud̄u nggomid̄oho loamu ka'ao d̄i ade fiki ro kananu ma raso. 2 Nahu mangoa ro kawara nggomid̄oho loakud̄u nggomid̄oho kawaramu au ra nggahi b̄a nabi-nabi Allah, ro au ra parentakai b̄a Ruma, Sangaji Makasalama, ra wa'ura karongga d̄i nggomid̄oho kai ncai rasul-rasul. 3 Masaramba-rambakaina, nggomid̄oho pab̄uapu b̄ademu b̄a one d̄i ainaina cumpukaina, ^dimawontu dou-dou ma mori ro wokona rakuasakai b̄a hawa nawasu ndai siad̄oho.Siad̄oho ^dimakasungge-sungge nggomid̄oho 4 kai nggahi ndakena, <<Nggahina, Ruma sakena ^dimamai! Pala ake b̄eku Sia? Ama-ama b̄a wa'i ro waro ndai wa'ura made, pala samenana au-au mbuipu samana b̄une ra aipu saramba kandad̄i dunia!>> 5 Siad̄oho wati ngawa romona mangaku b̄a one ntoi wa'una Allah Ta'ala kandad̄ina langi ro dunia kai nggahi ro eli-Na. Dunia rakanda^di-Na ra d̄i oi, ro kai oi; 6 ro kai oi ede eded̄u mbere lino kalelina dunia ma ulu ede. 7 Pala langi ro dana ma wara ake, jaga ro sandaka b̄a nggahi ro eli Allah Ta'ala rau ^dikaleli kai afi peade. Ake langi ro dana mbuipu ^disandaka sampe d̄i ainaina dou-dou ma dab̄ae d̄ihukum ro ^dikaleli.8 Pala cina ro angiku, lampa rawi sab̄ua ake aina nefakai b̄a nggomi^doho: b̄a one ade ntanda ro edakai b̄a Ruma, sanai wati wara laina lab̄o sariwu mba'a – d̄uana ede sama mpa d̄i tando Sia. 9 Ruma wati ngerina mbei au ra sake-Na konena wara ma kacai ndedena. Pala, Sia nalembo adena d̄i nggomid̄oho, b̄a one Sia wati ne'ena kone sab̄ua dou rau ^dimaleli. Sia nane'eku loakud̄u samenana dou tobana ra d̄i dosa-dosana.
10 Pala Ainaina maikai Ruma d̄imamai b̄une dou mampanga. D̄i Ainaina ede langi ^dimambora lab̄o eli kambimbi, ro sara'a ma wara ese langi ^dimangga'a leli, ro dunia lab̄o sara'a ma wara ta ^deina ^dimambora.d 11 B̄a one sara'ana ede ^dikaleli kai cara b̄une ede, b̄uneku sapodakaina nggomid̄oho morimu? Nggomid̄oho pab̄uapu mori raso d̄i ru'u b̄a Allah Ta'ala mpoa mpa, 12 santoi nggomid̄oho ngena ro ne'e poda b̄a ademu Ainaina maikai Allah Ta'ala. D̄i Ainaina ede langi ^dimangga'a mpoi, ro b̄ara panana, ndad̄i sara'a ma wara d̄i langi ^dimaleli b̄a afi. 13 Pala ndai tangenaku au ra wa'u sake b̄a Allah Ta'ala, eded̄u langi ma b̄ou ro dunia ma b̄ou, eded̄u ta b̄e rawarakai keadilan.
14 B̄ara ndedena, cina ro angi meciku, nggomid̄oho d̄i ade ngenakaimu Ainaina ede, usaha kapodapu mori raso ro kai wati wara kone ma'ihamu d̄i tando Allah Ta'ala. Ro jagapu hubungan ma taho lab̄o Allah Ta'ala. 15 Wi'ikaipu lembo ade Ruma ndai ede kai wakatu ra mbei-Na d̄i nggomid̄oho loakud̄u salamamu. La Paulus, cina meci ro ca'u b̄a ndaita, wa'ura tuntina b̄une ede rau d̄i ru'u b̄a nggomid̄oho.Sia tuntina ede kai timba ro lemba ra mbei b̄a Allah Ta'ala d̄i sia. 16 D̄i ade samenana surana, la Paulus tunti ncauna mab̄oha lampa rawi ede. Wara romo pila-pila mbua lampa rawi ma nggonggi ^diloa ka'ao d̄i ade sura-surana ede. Ro lampa rawi ma nggonggi ede narungka-rungkaku b̄a dou-dou ma wati b̄ade au-au ro ma wati tenggo imbina. Lampa rawi ede wati ^dimborakai aka, b̄a one isi ma kalaina d̄i ade Kitab Suci ra karawi kandede rau b̄a siad̄oho.Au ra karawi b̄a siad̄oho ede nakandad̄iku iha leli d̄i ru'u b̄a ndai siad̄oho mpa.
17 Pala nggomid̄oho, cina ro angi meciku, nggomid̄oho wa'ura b̄ademu mab̄oha lampa rawi ede. B̄ara ndedena, aina kabare, ai to'ina nggomid̄oho ^batumu d̄i ade santudakai dou-dou madab̄ae ndad̄ina nggomid̄oho ma^bumu d̄i hid̄i ki^dikaimu ma tenggo. 18 Pab̄uapu nggomid̄oho naha iumu rahmat Isa Al Masih, Ruma ro Sangaji Makasalama ndaita, ro pab̄uapu nggomid̄oho rau naha patamu Sia. ^Dese ro ntasara Sia, ake sampe santoi-ntoina! Amin.
Salam do'a nami, Petrus