Nabi-nabi ro guru-guru palasu
2:1-22
2
D̄i jaman ma uluna d̄i ade weki ela Allah Ta'ala wa'ura wontu nabi-nabi palasu. Ndede rauku d̄i woha nggomid̄oho ^dimawontu guru-guru palasu. Siad̄oho ^dimakalu'u ngoa ro tei ma wati poda, ma kalelina dou. Ro siad̄oho wati mangakuna Makuasa ma wa'ura hori kalosa siad̄oho.Kai ndedena siad̄oho nakamaiku iha leli d̄i weki ndaina, ^dimab̄oha roci siad̄oho. 2 Kone ade ndedekaina, mboto dou d̄imab̄atu cara mori guru-guru palasu ede ra kuasakai b̄a hawa nawasu siad̄oho.Ro ruku ro rawi guru-guru ede ^dimakandad̄ina mboto dou makab̄awa ro katuna Ncai Mapoda ma lao aka Allah Ta'ala. 3 B̄ara siad̄oho na'e adena, ndad̄i guru-guru palasu ede d̄i macaritana d̄i nggomid̄oho carita-carita ra ndawi b̄a ndaina ^dirakakaina laba d̄i nggomid̄oho.Pala pangadilan ^dima^ba^buna kai hukuman ntoira wa'ura sadia d̄i ru'u b̄a siad̄oho, ro iha leli ra wa'u katantu d̄i ru'u b̄a siad̄oho wunga ngenana siad̄oho.4 Mala'eka-mala'eka ma dosa rau wati ^dico'o b̄a Allah Ta'ala, siad̄oho tantu d̄i^ba^bu kai hukuman eded̄u ^dipaki ade anaraka. Siad̄oho ^dikalu'u ade rengge ma rindi,c ^dibui ta aka sampe Ainaina Pangadilan. 5 Ndede rauku lab̄o dunia d̄i jaman ma'ulu, Allah Ta'ala wati co'ona siad̄oho hori weki ra d̄i hukuman. Allah Ta'ala nggaduna mbere lino d̄i dunia dou-dou ma dab̄ae aipu wakatu ede. La Nuh lab̄o pidu dou mpoa mpa ra kasalama, b̄ara la Nuh mangoa ro kahabana mab̄oha mori ra kane'ekai b̄a Allah Ta'ala. 6 Sama rau b̄une kota Sodom lab̄o kota Gomora: Allah Ta'ala makalelina kota-kota ede kai afi loakud̄u ndad̄i conto mab̄oha au d̄imandad̄i lab̄o dou-dou ma da^bae. 7 Pala la Lot kasalama b̄a Allah Ta'ala, b̄ara sia b̄atuna au ra kane'ekai b̄a Allah Ta'ala; sia nawancuku ncoki iuna b̄ara ruku ro rawi dou-dou mada^bae. 8 D̄i woha dou-dou b̄une ede la Lot ma taho ede mori kai ncoki ade b̄ara sanikina ainaina sia eda ro ringana ruku ro rawi siad̄oho ma da^bae. 9 Ndad̄i, Ruma nab̄ade b̄uneku kasalama dou-dou ma b̄atu au ra kane'ekai-Na nggara siad̄oho nasatandosi angi lab̄o coba'an-coba'an. Ro Ruma nab̄adeku b̄uneku toho kalaina dou-dou ma dab̄ae ^dikancoki wakatu Ainaina Pangadilan, 10 d̄i ru'u b̄a dou-dou ma b̄atu au ra kane'ekai b̄a hawa nawasu siad̄oho ma sampu ro ma kab̄awa ro katuna kuasa Allah Ta'ala.
Ndede disa ro sombona guru-guru palasu ede ndad̄ina siad̄oho wati dahuna kab̄awa ro katuna mahluk-mahluk ma d̄ese ro ntasa d̄i saroga rau! 11 Kone mala'eka-mala'eka ma d̄o'o ncewi tenggo ro makuasa ntewikaisi lab̄o guru-guru palasu ede, wati b̄ab̄u ro lo'ona mahluk-mahluk ma d̄ese ro ntasa ede kai nggahi ro eli ma kab̄awa ro katuna d̄i tando Ruma. 12 Pala guru-guru ede, sama mpa b̄une binata ra nggana,^diwa'u ro sawa'u b̄a ede ^dihade! Guru-guru palasu ede wati ntauna kananu, pala nakarawiku b̄atu rakane'ekai b̄a adena, ndad̄ina siad̄oho kab̄awa ro katunana lampa rawi-lampa rawi ma wati loa ka'ao b̄a siad̄oho.B̄ara ndedena siad̄oho ^dimaleli b̄une binata-binata nggange b̄ara rawi ndai siad̄oho. 13 Ndad̄i siad̄oho d̄ima'iu poda susa ro ncoki b̄ara susa ro ncoki ede ra ndawi b̄a ndai siad̄oho.D̄i nggahi b̄a siad̄oho caru mori eded̄u katu'u ngaha ndiha ro balanja paki-paki piti d̄i aimarai. Nggara siad̄oho nadoho samasi lab̄o nggomid̄oho d̄i ade ngaha ndihakai, ruku ro rawi siad̄oho ^dini'i podakai b̄a ade b̄ara siad̄oho namawu kai hawa nawasuna. 14 Siad̄oho wati mawu-mawuna karawi dosa, ro ^dica'u b̄a siad̄oho eded̄u ntanda dou siwe masunda. Ro dou ma b̄oupu imbi ro ma watipu tenggo, siwi b̄a siad̄oho.Ade siad̄oho nawa'ura ngina kai b̄a na'e ade. Siad̄oho eded̄u dou-dou ra ^ba'a b̄a Ruma! 15 B̄a one siad̄oho wati ngawana b̄atu ncai ma rombo, ndad̄i siad̄oho santudana. Siad̄oho wehana ncai ra b̄atu b̄a la Bileam ana la Beor ntoina. La Bileam ake na'ipiku ne'ena raka piti ra d̄i ruku ro rawina ma da^bae. 16 Pala sia rakana ngoa ro kawara ma ipi ra d̄i ruku ro rawina madab̄ae ede, wakatu keledaina manuntu kai eli manusia. Ndad̄i nabi ede rapakasa loakud̄u kadenggana ruku ro rawina ma ringu ede.
17 Guru-guru palasu ede eded̄u b̄une mada oi ma wa'ura mango ro b̄une apu ra wa'a b̄a angi na'e. Allah Ta'ala wa'ura sadiana d̄i ru'u b̄a siad̄oho sab̄ua hid̄i ma ipi rindi. 18 Siad̄oho rentana nggahi ro eli ma ntika ro ntaru; nawasu ma sampu ro nggele ^dikani b̄a siad̄oho d̄ib̄ab̄ukaina dou-dou ma b̄oupu tampu'u hori weki ra d̄i kalompo dou ma mori santuda. 19 Guru-guru palasu ede masakena hori weki ra d̄i dou-dou ede, sapodakaina ndai siad̄oho ka'ada b̄a ruku ro rawi ranginakai ma ka'ihana manusia. B̄a one nggara dou nakakoasi b̄a au-au, ndad̄i sia ede ada b̄a ma rakakoana ede. 20 Nggara dou napatasi Isa Al Masih, Ruma ro Makasalama ndai, ede aona dou ede wa'ura hori weki ra d̄i kuasa-kuasa dunia ma kandad̄ina manusia dosa. Pala nggara sawa'u b̄a ede sia hina wali b̄a goda'an ndad̄ina sia kakoa b̄a kuasa-kuasa ede, ndad̄i ka'ada'an dou ede d̄i cumpukaina nancewi iha wali ntewikaisi sawatipu b̄a ede. 21 Nancewi tahopu dou-dou b̄une ede wati parana patana ncai mancihi ra d̄i Allah Ta'ala, ntewikaisi siad̄oho patana, pala sawa'u b̄a ede wati ngawana b̄atu parenta-parenta ra mbei b̄a Allah Ta'ala d̄i siad̄oho. 22 Au ra karawi b̄a siad̄oho mandad̄i bukuti b̄a one peribahasa ake ncihi, <<Lako d̄imangaha mbali au ra wa'u lohina,>> ro <<Wawi ra wa'u kandeu, ^dimandore mbali d̄i dana compo.>>