Allah Ta'ala, Ama ndaita
12:1-29
12
Mab̄oha weki ndai, d̄i kompe ro pei ndai, wara mboto poda sakasi! B̄ara ndedena, mai ndai tapakiku samenana ma katanina ndai ro dosa ma pandako ncau d̄i ndaita. Ro maira ndai kai kapoda ade tampouku au ma wara d̄i tando ndaita. 2 Mai ndai takarawiku kai ntanda kab̄ae d̄i Isa Al Masih, b̄ara Siaku ma d̄anda ro wa'a ndai d̄i ade imbi ro majaga ro sandakana ra aipu saramba wa'una saraka cumpukaina. Ruma Isa wa'ura susa ro ncoki d̄i haju salib! Sia wati kandad̄i auna b̄a one made d̄i haju salib ede eded̄u sab̄ua lampa rawi ^dimajakai. Sia nakawara mpa mori sana d̄i iu b̄a Sia wakatu ainaina ma kento. Ake Sia nadoho ta sa^bae wana b̄a Allah Ta'ala ro naparenta sama-sama lab̄o Allah Ta'ala.3 Kananu ncaupu b̄uneku ncokina Isa Al Masih ncao tandona lab̄o dou-dou madosa ma ao kapoda Sia! B̄ara ndedena aina to'i ade ro kompo kananu. 4 B̄a one d̄i ade kapodakaimu ade aomu dosa, nggomid̄oho watipu ra'iumu sampe mboho ra'a. 5 Ro aina nefamu d̄i au ra ngoa ro tei b̄a Allah Ta'ala ake, rambei d̄i ru'umu kai ana-ana-Na:
<<Ana-Ku, tio kab̄aepu au ra ngoa ro tei b̄a Ruma,
ro aina to'i ade nggara Sia nambanisi d̄i nggomi.
6 B̄a one Ruma nahukumku sanikina dou rameci ro ca'u-Na,
ro Sia nacamboku sanikina dou rakanahu b̄a Sia kai ana ndai-Na.>>
7 Pab̄uapu nggomid̄oho tarimamu cambo b̄a Allah Ta'ala kai sab̄ua hukuman ra d̄i sab̄ua ama. B̄a one sab̄ua wara ana ma wati rahukum b̄a amana? 8 Nggara nggomid̄oho watisi rahukum b̄une anad̄ohona ma kalai ake, ede aona nggomid̄oho laina ana ma saha, malaisi ana ma wati saha. 9 Ndaita ntau ama d̄i dunia. Sia teina ndai, ro ndai talia ro horomaku sia. Au walipu d̄i Ama rohani ndai d̄i saroga, tantu ndai pab̄uaku ncewi to'a wali d̄i Sia loakud̄u ndai mori. 10 Dou matua ndai ma wara d̄i dunia nangoa ro teiku ndai ade wakatu ma wara hampana, b̄atu au ra wi'ikai b̄a siad̄oho taho. Pala Allah Ta'ala nangoa ro teiku ndai d̄itahokai ndai, loakud̄u ndai ndad̄i raso sama-sama lab̄o Sia. 11 Ncihi romo d̄i wakatu ngoa ro teikaina ndai, hukuman ede wati taho ro sana ^di'iu b̄a ndai, malaisi ncoki ade mpa. Pala sawa'u b̄a ede, d̄i ru'u b̄a ndai ra wa'u ngoa ro tei, hukuman ede nakandad̄iku ndai mori b̄atu au ra kane'ekai b̄a Allah Ta'ala, ro nakandad̄iku ndai sana taho ro ntai.
12 B̄ara ndedena, katenggopu rimamu ma rome ro tatu'umu ma wedu ede! 13 Lampa ncaupu d̄i ncai ma piri, loakud̄u e^dimu ma mpako ro mpedu ede wati sanggicuna, pala nandad̄i taho.
14 Usahapu mori kai taho-taho d̄i samenana dou. Usaha raupu mori kai raso, d̄i ru'u b̄a Ruma mpoa mpa. B̄a one wati kone sab̄ua dou rau maloa eda Ruma nggara sia watisi morina b̄une ede. 15 Jagapu! Ai to'ina wara kone sab̄ua dou rau ma losa ari mai b̄a taho ade Allah Ta'ala, loakud̄u aina wara ma ndad̄i b̄une fu'u haju ma ntau racu d̄i ade weki nggomid̄oho, ndad̄ina nakawontuku mori susa ro naka'ihaku mboto dou kai racuna ede. 16 Jagapu ai to'ina wara ma mori kai sampu ro nggele atao wati kaco'ina lampa rawi-lampa rawi rohani, b̄une ra karawi b̄a la Esau. Sia landana hakna kai ana sasa'ekaina, d̄i ru'u samangko ngaha ro nono mpa. 17 Nggomid̄oho mab̄adeku b̄a one sawa'u b̄a ede la Esau nane'eku raka bareka ede ra d̄i amana, pala sia tula ao b̄a amana. B̄ara kone kai nangi rauna sia ngupana ncai ^dikatahokaina rawina ma ncara, wakatu d̄i ru'u b̄a ede watid̄u wara walina.
18 Cina ro angi wati mai satandomu au-au b̄une rasatando b̄a bangsa Israel ntoina. Siad̄oho ncao tando lab̄ona au-au ma loa ^di^dama, eded̄u Doro Sinai lab̄o afina ma kalea fampa; siad̄oho ncao tando lab̄ona marindi, ro fode; 19 siad̄oho ncao tando lab̄ona eli tarompe, ro eli-eli ma kancere. Wakatu dou-dou Israel ringana eli ede, siad̄oho raho kapodana loakud̄u eli ede watid̄u nuntu ro nggahi walina d̄i siad̄oho. 20 B̄ara siad̄oho wati wa'una sia iu ringa parenta ra karongga b̄a eli ede. B̄ara eli ede manggahi, <<Samenana ma tudu doro ake, wati wara cua laina, nataho ede binata atao cou-cou rau, pab̄ua ^dito^ba kai wadu sampe madena.>> 21 Au ra eda b̄a dou-dou Israel ede nawancuku hebana sampe la Musa nggahina, <<Nahu kadahu ro ^bi^bi sarumbuku!>>
22 Pala, nggomid̄oho wa'ura maimu d̄i Doro To'i Sion ro kota Allah Ta'ala ma mori, eded̄u Yerusalem ma wara d̄i saroga lab̄o riwu-riwu mala'ekana. 23 Nggomid̄oho mab̄atuku sab̄ua mbolo ma ndiha – mbolo weki ana-ana sasa'e b̄a Allah Ta'ala, ngara-ngarana wa'ura tunti d̄i ade saroga. Nggomid̄oho mai satandomu Allah Ta'ala, Hakim d̄i ru'u b̄a samenana manusia. Nggomid̄oho masatandoku roh-roh dou-dou mataho, ra wa'u kandad̄i kai mpuruna. 24 Nggomid̄oho mai satandomu Ruma Isa, Ncai d̄i ru'u au ra sakena ma b̄ou ede; nggomid̄oho mancao tando lab̄o ra'a ra karete ma mbeina lampa rawi-lampa rawi ma d̄o'o ncewi taho ntewikaisi ra mbei^ba ra'a la Habel.
25 B̄ara ndedena, aina kabare ai to'ina nggomid̄oho daringa ro kade'ekaimu Sia ma nuntu ro nggahi ede. Siad̄oho ma wati ne'e ringa ro kade'e Sia ma mai d̄i dunia ro makarongga haba ra d̄i Allah Ta'ala, wati loana rai peso weki. Au walipu ndai ake ma ringa ro kade'e Sia ma nuntu ra d̄i saroga! Nggara ndai watisi ne'eta ringa ro kade'e Sia, b̄uneku loana ndai salama! 26 D̄i wakatu ede eli-Na nakambimbiku dunia. Pala ake Sia sakena, <<Sakali wali, Nahu ^dimakambimbina laina dana mpoa pala langi rau.>> 27 Nggahi ro eli <<sakali wali>> natei katadaku b̄a one sara'a dunia ra wa'u kandad̄i, ^dikinda ro ^dipaki loakud̄u ma ngge'e ma wati loa ^dikinda mpa.
28 B̄ara ndedena, pab̄uaku ndai tarenta syuku d̄i Allah Ta'ala, b̄ara ndai tarimata ra d̄i Sia sab̄ua Karaja'an ma wati loa kangginda. Pab̄uaku ndai renta syuku ro sambea ro ibada d̄i Allah Ta'ala kai horoma ro dahu, b̄atu cara au ra kane'ekai b̄a ndai Sia. 29 B̄ara Allah Ta'ala ndaita b̄une afi ma kampangina.