^Donggo ro mbei ma mpuruna
10:1-18
10
D̄i ade Hukum Taurat ampode ninuna ra d̄i lampa rawi-lampa rawi mataho d̄imamai kento, ro laina ma sapodakaina ra d̄i lampa rawi-lampa rawi ede. Wati lu'u b̄a aka hukum ede maloa kampuruna dou ma mai nemba Allah Ta'ala kai wa'ana d̄onggo ro mbei, konena saniki mba'ana d̄onggo ro mbei ncauna koroba-koroba ma sama. 2 Misampara dou-dou ma nemba Allah Ta'ala ede poda-poda wa'ura karaso ra d̄i dosana, siad̄oho watid̄u iuna weki dosa, ro koroba watid̄u ^di^donggo ro mbei wali. 3 Pala ma ndad̄i eded̄u koroba-koroba ra^donggo ro mbei d̄i sanikina mba'a ede ^dimakawarana dou d̄i dosa-dosa siad̄oho, 4 b̄a one poda romo ra'a capi ro ra'a mbe'e rangga wati loana fura dosa.5 B̄ara ndedena d̄i wakatu Al Masih lu'una d̄i dunia, Sia nggahina d̄i Allah Ta'ala,
<<Ita wati ca'umu koroba ro d̄onggo ro mbei;
pala Ita wa'ura sadia weamu sarumbu d̄i ru'u b̄a Mada.
6 Ita wati ca'umu d̄i koroba ka'a
atao koroba ^dikangampukai dosa.
7 Edempara Mada nggahiku, <Akera Mada, io Allah Ta'ala!
Mada maiku ^dimakalampa au ra kane'ekai b̄a Ita,
b̄une ra tunti mab̄oha weki Mada d̄i ade Kitab Suci.> >>
8 Saramba-rambakaina nggahi Al Masih, <<Ita wati ca'umu koroba ro d̄onggo ro mbei; Ita wati ca'umu d̄i koroba binata ra ka'a mandad̄i d̄onggo ro mbei ro d̄i koroba ^dikangampukai dosa.>> Al Masih nggahi ndedekaina, konena sara'a koroba ede ra^donggo ro mbei b̄atu hukum Taurat. 9 Sawa'u b̄a ede nggahi Al Masih, <<Akera Mada, io Allah Ta'ala! Mada maiku ^dimakalampa au ra kane'ekai b̄a Ita.>> Ndad̄i Allah Ta'ala fura sara'ana koroba ma ntoi ede, ro cepena kai koroba Al Masih. 10 Isa Al Masih wa'ura karawina au ra kane'ekai b̄a Allah Ta'ala ro d̄onggo ro mbeina sarumbu ndai-Na ndad̄i koroba. Kai d̄onggo ro mbei ede, kalampa b̄a Sia sakali mpa d̄i ru'u b̄a santoi-ntoina, ndai sara'a ^dikaraso ra d̄i dosa.
11 Sanikina imam Yahudi kalampana taki ro putana kai imamkaina d̄i sanikina ainaina, ro kalampa ncau-ncauna d̄onggo ro mbei koroba-koroba ma sama. Pala koroba-koroba ede wati loana fura dosa. 12 Pala, Al Masih d̄onggo ro mbeina koroba sakali mpa ru'u kangampukai dosa, ro koroba ede d̄i ru'u b̄a santoi-ntoina. Sawa'u b̄a d̄onggo ro mbeina koroba ede, Al Masih dohona ta sa^bae wana Allah Ta'ala ro parenta sama-samana lab̄o Sia. 13 Ro ake Al Masih wunga ngenana sampe Allah Ta'ala kandad̄ina musu-musu-Na oko ro dahu d̄i Sia. 14 Ndad̄i kai sab̄ua koroba, Al Masih kampurunana dou-dou ra wa'u karaso wea ra d̄i dosana.
15 Mab̄oha lampa rawi ede Roh Allah ma nuntu ro nggahi rau d̄i ndaita. Nggahi Roh Allah,
16 << <Akeku sake ^dindawi b̄a Nahu lab̄o siad̄oho
d̄i ainaina-ainaina ma kento,> nggahi Ruma,
<Nahu ^dimatau hukum-hukum Nahu ta d̄ei ade siad̄oho
ro matuntina d̄i ade fiki ro kananu sia^doho.> >>
17 Allah Ta'ala nggahi rauna, <<Nahu ^dimanefana dosa-dosa ro rawi dab̄ae siad̄oho.>> 18 Ndad̄i, dosa-dosa ro ruku ro rawi madab̄ae ede wa'ura kangampu wea, ndad̄i watid̄u paralu walina d̄onggo ro mbei koroba ^dikangampukai dosa.
Maira ndai taka^deniku weki d̄i Allah Ta'ala
10:19-39
19 Cina ro angi, b̄ara madena Isa Al Masih ede ndai ake ta disara lu'u ta d̄ei ^Bili Mawancu Raso. 20 Isa nawa'ura hengga sab̄ua ncai ma b̄ou d̄i ru'u b̄a ndaita, eded̄u ncai ma mbei mori ro woko. Ncai ede eded̄u kai ncai satampa, eded̄u sarumbu ndai Ruma Isa. 21 Ro ndai ake ta ntaura sab̄ua imam ma d̄ese ro ntasa, ma ntau su'u ro tundu d̄i Uma Ruma. 22 B̄ara ndedena, maira ndai taka^deniku weki d̄i Allah Ta'ala kai ade ma nira ro imbi ma tenggo; kai ade ra wa'u ra karaso ra d̄i iu weki ncara, ro kai sarumbu rawa'u karaso kai oi ma raso. 23 Pab̄uaku ndai tanenti kacia d̄i au ra kane'ekai b̄a ndai, b̄a one Allah Ta'ala loa d̄i'imbikai ro Sia d̄imambei au ra sake-Na. 24 Ro pab̄uaku ndai cua ntanda ro eda angi, loakud̄u ndai loa cua katenggo angi kai meci ro ca'u angi ro kalampa lampa rawi-lampa rawi ma taho. 25 Pab̄uaku ndaita ngge'e mpa kab̄oro weki sama-sama, ro aina ^daju b̄une dou makalai. Ndad̄i ndai pab̄uaku ncewi caha katenggo kali cempe angi, b̄ara ndai ta^badeku b̄a one wati ntoi walina Ruma ^dimamai.
26 B̄a one nggara haba ma ncihi d̄i Allah Ta'ala wa'ura karongga d̄i ndai, pala ndai ngge'e mpa karawi ntiri ncauta dosa, ndad̄i watid̄u wara walina koroba d̄i ru'u furakai dosa ndai. 27 Sab̄ua mpa ma wara d̄i ru'u b̄a ndai eded̄u ncao tando lab̄o pangadilan Allah Ta'ala ro afi mbanikai-Na ^dimaka'a kampoi dou-dou ma ao Sia! 28 Dou ma wati to'a d̄i hukum ra mbei b̄a la Musa, d̄ihukum made kai wati loa ^dikangampu, nggara warasi d̄ua atao tolu dou ma ndad̄i sakasi, b̄a one sia wara ncarana. 29 Nawancuku ncewi tanina hukuman d̄ipab̄ua b̄ab̄u d̄i dou ma tonda-tonda Ana Allah.5 Dou ede nakab̄awa ro katunaku ra'a rasake Allah Ta'ala, eded̄u madekai Al Masih ma karaso sia ra d̄i dosa. Sia kab̄awa ro katunana Roh ma mbei rahmat. 30 Ndai ta^badeku couku Sia ma ranggahi, <<Nahu d̄imacola cepena! Nahu ^dimahukumna!>> Ro ma nggahi, <<Ruma d̄imaparesa ncihi ro ncara ela-Na.>> 31 Nawancuku samangina nggara namab̄usi d̄i rima Allah Ta'ala Ma Mori!
32 Kawarapu b̄uneku ka'ada'an, cina ro angi d̄i wakatu ntoina. D̄i wakatu ede, sawa'u b̄a cahaya Allah Ta'ala makataroamu, nggomid̄oho mboto ma susa ro ncoki, pala nggomid̄oho ngge'e mpa kapodamu ade. 33 Wara rau wakatuna nggomid̄oho ^dikatuna ro d̄ikab̄awa ro ^dikamaja d̄i tando dou mamboto. Wara rau nggomid̄oho iumu susa ro ncoki lab̄o siad̄oho ma karawi b̄une ede, 34 ro nggomid̄oho ma iu rauku ncoki ade b̄une ra iu b̄a dou rabui. Ro wakatu samenana ntau ro wara nggomid̄oho weha rampa b̄a dou, nggomid̄oho tarimamu ede kai sana ade, b̄ara nggomid̄oho mab̄adeku b̄a one mbuipu wara ntau ro waramu ma ncewi taho, ma ede ro hid̄i santoi-ntoina. 35 B̄ara ndedena, aina kompo kananu, b̄a one nggara nggomid̄oho ma ngge'esi imbi, ndad̄i wara ufamu ma na'e d̄i ru'u b̄a ede! 36 Nggomid̄oho pab̄uapu lembo ade, loakud̄u nggomid̄oho loamu karawi au ra kane'ekai b̄a Allah Ta'ala ro kai ndedena matarimaku au ra sake-Na. 37 B̄a one ade Kitab Suci wara ratunti,
<<D̄i samporo wali mpa,
ndad̄i Sia d̄imamai ede, d̄imamai roci;
Sia wati ^dimakanajo-najo maikai-Na.
38 Ro ela-Ku ma ncihi ^dima'imbi ro ^dimamori;
pala nggara warasi d̄i ade weki siad̄oho ma suru,
ndad̄i Nahu wati ^dimasana ade d̄i sia.>>
39 Ndai ake laina ela ma suru ro santuda. Pala, ndai eded̄u ela ma imbi ro ra kasalama b̄a Allah Ta'ala.