Ka'ada'an Manusia D̄i Wakatu Kiama
3:1-9
3
Kawarapu ake: D̄i ainaina-ainaina cumpukaina ^dimawara mboto susa ro ncoki. 2 Manusia ^dimakapenti weki ndaina ro ^dika'ada b̄a piti. Siad̄oho ^dimaka'ese-ese weki ro nana'e nuntuna, sia^dodo ^dimakab̄awa ro katuna dou, ^dimabaronta d̄i dou matuana, wati ngawana renta tarima kasih, ro wati ca'una d̄i lampa rawi-lampa rawi rohani. 3 Siad̄oho wati meci ro ca'una d̄i sasamana, wati ngawana kangampu wea sab̄ua lab̄o ma kalaina, siad̄oho naca'u nuntu ka'iha ngara dou, naca'u kama^bu dou makalai, siad̄oho natoku ro naparange, ro wati ca'una mataho. 4 Siad̄oho naca'u b̄ab̄u ro lo'o dou makalai, wati kananu kataho-taho wa'una, nawi'ikaiku weki ndaina penti, ro na'ipipu b̄atuna hawa nawasuna ntewikaisi b̄atuna au ra kane'ekai b̄a Allah Ta'ala. 5 Konena kai sacara ma tada, siad̄oho nato'a kalampa au ra kaukai b̄a hukum agama, pala siad̄oho wati b̄atuna isina ma penti d̄i agama ede. Ka^do'opu wekimu lab̄o dou-dou b̄une ede. 6 Wara d̄i ade weki siad̄oho ma wa'ura lu'u d̄i uma-uma, edempara loana weha ade dou-dou siwe ma wati loa au-au ma ipi dosa ro rakuasakai b̄a mboto poda ^dine'e. 7 Dou-dou siwe ede naraho ncau-ncauku loakud̄u ^ditei, pala wati parana loana pata au ra ngoa ro tei ma ncihi ra d̄i Allah Ta'ala. 8 Sama b̄une la Yanes lab̄o la Yambres aona la Musa ntoina, ndede rauku dou-dou ede aona ngoa ro tei ra d̄i Allah Ta'ala. Fiki ro kananu siad̄oho nawa'ura iha, ro imbi siad̄oho nawa'ura mpula. 9 Pala siad̄oho wati d̄imaraka au-au, b̄ara sampula siad̄oho ^dib̄adeb̄a samenana dou, b̄une ra'iu b̄a la Yanes lab̄o la Yambres rau.Ngoa Ro Tei-ngoa Ro Tei
3:10-17
10 Pala nggomi wa'ura ^batumu au ra ngoa ro tei b̄a nahu, ruku ro rawi nahu, ro ao ro onena mori nahu. Nggomi ma wa'ura eda b̄a ndaimu b̄uneku nahu poda-poda imbiku d̄i Isa Al Masih ro meci ro ca'uku d̄i sasama manusia. Nggomi rau mab̄adeku imbi ro lembo ade nahu. 11 Nggomi wa'ura edamu nahu ra kancoki b̄a dou ro susa ro ncokiku. Nggomi mab̄adesara'aku ma ndad̄i d̄i nahu d̄i Antiokhia, Ikonium, ro d̄i Listra; ro nggomi mab̄adesara'aku susa ra iu b̄a nahu! Pala Ruma makasalamana nahu ra d̄i samenana ede. 12 Ncihi romo samenana dou ma ne'e mori d̄i ade sambea ro ibada, mori sab̄ua lab̄o Isa Al Masih ^dikancoki, 13 pala dou-dou madab̄ae ro dou-dou ma tipu dou ^dimanaha-naha da^bae. Siad̄oho tipuna dou makalai sapodakaina ndai siad̄oho rau b̄oha b̄a tipu. 14 Pala mab̄oha nggomi, Timotius, pab̄uapu nggomi ngge'e mpa nentimu d̄i ngoa ro tei-ngoa ro tei ma ncihi ra wa'u tei d̄i nggomi ro ra'imbi podakai b̄a nggomi; b̄ara nggomi mab̄adeku cou guru-gurumu. 15 Nggomi pab̄uapu kawaramu b̄a one ratampu'u aipu to'i wa'umu nggomi wa'ura patamu Kitab Suci. Kitab Suci ede naloa kandad̄i nggomi loa ka'ao d̄i rakakaimu salama kai ncai imbi d̄i Isa Al Masih. 16 Sara'a ra tunti ade Kitab suci ede, ra karongga b̄a Allah Ta'ala ro nawara onenab ru'u teikai ma ncihi, ^dirojokai ro ^dikancihikai ma ncara, ro d̄i teikai manusia loakud̄u mori b̄atuna au ra kane'ekai b̄a Allah Ta'ala. 17 Kai Kitab suci ede dou makarawi wea d̄i ru'u b̄a Allah Ta'ala loa d̄ikancihi kai mpuruna d̄i ru'u b̄a samenana karawi ma taho.