La Timotius pab̄uaku b̄atuna conto d̄i Isa Al Masih
2:1-13
2
Timotius, anaku! Katenggopu wekimu b̄ara tahona Allah Ta'ala kai ncai Isa Al Masih. 2 Nggomi wa'ura ringamu ngoa ro tei-ngoa ro tei Al Masih ra wa'u ngoa ro tei b̄a nahu d̄i tando dou mamboto. Ake nggomi pab̄uapu ngoa ro tei rau d̄i dou-dou makalai ma loa d̄i'imbikai ro maloa ngoa ro tei, loakud̄u siad̄oho naloa ngoa ro tei d̄i dou makalai rau.3 Kai tentara Isa Al Masih ma to'a, nggomi pab̄uaku iumu susa ro ncoki. 4 Tentara ma wunga kalampa taki ro putana, wati ngawana lu'ukai ade rawi ma kalai. Siad̄oho karawi ndedekaina b̄ara siad̄oho nane'eku kasana wea ade dou mana'ekai siad̄oho. 5 Sab̄ua dou ma ndad̄i olahragawan, wati d̄imaraka juara nggara watisi b̄atu sara'ana atoran. 6 Dou makanggihi ma wa'ura karawi kapoda ade, sia edeku ma saramba-rambakaina ^dimantau hak raka hasi nggud̄a ro congge ede. 7 Kananu kab̄aepu au ra nggahi b̄a nahu ede, b̄a one Ruma d̄imambei d̄i nggomi loa ro b̄ade ^diloakaimu ka'ao samenana.
8 Kawarapu ake: Injil ra ngoa ro kahaba b̄a nahu ede eded̄u haba mab̄oha Isa Al Masih, londo ro mai la Daud; Sia edeku Al Masih ma wa'ura mori mbali ra d̄i madekaina. 9 B̄ara ngoa ro kahabaku Injil ake nahu susa ro ncokikaiku, mancewi iha wali, nahu ndante b̄a dou b̄une-b̄une nahu ake dou ma da^bae. Pala nggahi ro eli Allah Ta'ala wati loa ^dirante. 10 B̄ara ndedena nahu lembo adeku su'u ro tundu sara'ana ede d̄i ru'u b̄a dou-dou ra wa'u kad̄ale b̄a Allah Ta'ala, loakud̄u siad̄oho rau naloa raka salama kai ncai Isa Al Masih ro horoma ro d̄ese ro ntasa d̄i ru'u santoi-ntoina. 11 Ncihi poda nggahi ro eli ake,
<<Nggara ndai wa'usi ra made sama lab̄o Sia,
ndai ^dimamori sama rau lab̄o Sia.
12 Nggara ndai tangge'e mpa cahasi,
ndad̄i ndai ^dimaparenta sama-sama rau lab̄o Sia.
Nggara nggahisi b̄a ndai b̄a one ndai wati patata Sia,
ndad̄i Sia rau ^dimanggahi b̄a one Sia wati patana ndaita.
13 Konena ndai wati to'ata,
Sia ngge'e mpa to'ana,
b̄ara Sia wati loana kawati mab̄oha weki ndai-Na ma to'a.>>
Cara kasana wea Ade Allah Ta'ala
2:14-26
14 Pab̄uapu nggomi ngoa ro kawaramu dou-dou mab̄oha samenana ake. D̄i tando Allah Ta'ala, ngoa ro tei katahopu siad̄oho loakud̄u aina cence ncihina mab̄oha istilah-istilah. Ede wati wara onena, lampa rawi ede nakakacoku dou-dou ma ringana. 15 Pab̄uapu nggomi usaha kapodamu ade loakud̄u Allah Ta'ala ca'una d̄i au ra karawi b̄a nggomi. Kai dou ma karawi d̄i ru'u b̄a Injil, nggomi aina maja, pala tei katahopu mancihi ncao lab̄o au ra ngoa ro tei b̄a Allah Ta'ala. 16 Ka^do'opu wekimu d̄i ade cence ncihi ma wati wara onena ro ma kab̄awa ro katuna Allah Ta'ala. Cence ncihi b̄une ede nakandad̄iku dou-dou naha da^bae. 17 Nuntu ro nggahi ma wati wara onena ede narama b̄une supu tema. La Himeneus lab̄o la Filetus nanuntu ro nggahi b̄une ede rau. 18 Siad̄oho nangoa ro teiku b̄a one Allah Ta'ala wa'ura kamori mbalina dou-dou ma wa'ura made. Ngoa ro tei ede wati podana, ro nakandad̄iku dou-dou wati imbi walina d̄i Al Masih. 19 Pala Allah Ta'ala wa'ura katu'una ela Ruma b̄une dasa uma ma tenggo, ro ese wawo dasa ede wara ratunti ndake, <<Allah Ta'ala napataku dou-dou ma ndad̄i ntau-Na,>> ro <<Cou-cou rau ma nemba Allah Ta'ala pab̄uaku denggana karawi dosa.>>
20 D̄i ade uma ma na'e wara mboto pahu tau ro tu'i. Wara ra ndawi kai salaka atao masa, pala wara rau randawi kai haju atao dana. Wara ^dikani wakatu acara ma penti poda, ro wara rau ^dikani wakatu acara-acara biasa. 21 Dou ma karaso wekina d̄i samenana ma dab̄ae, dou ede ^dikani wakatu paralu ma penti poda. Sia ndad̄i ntau rakalai ro ma wara onena d̄i ru'u b̄a rumana. Sia ra sadia ^dikani d̄i sanikina karawi ma taho. 22 Kai ndedena, aina karawimu lampa rawi-lampa rawi ma wati taho ra nginakai karawi b̄a dou-dou sampela. Pala karawi kapoda-podapu rawi ma taho, ro ngge'e mpa imbi d̄i au ra ngoa ro tei ma poda ro ma ncihi. Meci ro ca'upu Allah Ta'ala ro dou makalai. Moripu kai taho ro sana lab̄o dou-dou ma do'a raho d̄i Ruma kai ade ma rombo ro raso. 23 Aina ^batumu d̄i ade nuntu ro nggahi dou-dou ma sampula ma wati b̄ade au-au. Nggomi mab̄adeku b̄a one samenana ede ^dimakamaina cence ncihi mpa. 24 Dou ma karawi wea d̄i ru'u b̄a Ruma wati patuna cence ncihi; sia pab̄uaku kamberana d̄i samenana dou, ro naloa ngoa ro tei dou kai lembo ade. 25 Sia pab̄uaku mapu nggahi ro elina ade ngoa ro teikaina dou-dou ma ca'u ao dou; raho-raho to'i mpa Allah Ta'ala mbeina ncai d̄i ru'u b̄a dou-dou ede ^diloakaina toba ra d̄i dosa-dosa siad̄oho ro patana ngoa ro tei ma poda ro ma ncihi. 26 Kai ndedena, siad̄oho naloa kawara mbali wekina, ro naloa hori weki ra d̄i Iblis ma rakuasakai siad̄oho ro ma pakasa siad̄oho b̄atu wea au ra kane'ekaina.