Cahapu Karawi D̄i ru'u B̄a Ruma
4:1-8
4
Kai ngara Allah Ta'ala ro Isa Al Masih ma peade d̄imaparesa ncihi ro ncara dou ma mori ro ma made, d̄imamai ro ^dimakatenggo karaja'an-Na, nahu maraho poda-poda d̄i nggomi loaku^du: 2 Nggomi pab̄uapu ngoa ro kahaba nggahi ro eli Allah Ta'ala, ro ngoa ro kahaba ncaupu d̄i ade sanikina wakatu, nataho wakatu sanakai atao wati. Dou-dou ma ncara rawi pab̄uaku tei katada b̄a nggomi rawi ncarana, ro rojopu siad̄oho b̄ara dosa-dosa siad̄oho.Pala ngoa ro tei kataho raupu dou-dou wakatu nggomi teimu siad̄oho kai lembo ade. 3 B̄a one d̄imaraka wakatuna dou watid̄u ngawa walina tarima ngoa ro tei ma ncihi. Pala, siad̄oho nab̄atu mpa au ra kane'ekai b̄a ndaina, ro na'ouku guru-guru d̄i ru'u b̄a ndai siad̄oho eded̄u guru-guru ma tei d̄i ru'u b̄a siad̄oho lampa rawi-lampa rawi ^dica'u b̄a siad̄oho ringa mpa. 4 Siad̄oho wati ngawana kade'e ngoa ro tei ma taho, pala nangawa ringa ro kade'e d̄i carita-carita ma wati poda. 5 Kone ade ndedekaina, nggomi pab̄uapu kuasakai wekimu kone ade ka'ada'an b̄une b̄e rau. Kalembopu ademu ade susa ro ncoki, kalampapu taki ro putamu kai dou mangoa ro kahaba Injil ede ro kalampa kataho-tahopu au ma pab̄ua d̄ikarawi b̄a nggomi kai dou ma karawi wea d̄i ru'u b̄a Allah Ta'ala.6 Mab̄oha weki ndai nahu, ake ne'era raka wakatuna nahu ^dimamade, b̄une koroba d̄i ru'u b̄a Allah Ta'ala. Wati^du ntoi walina nahu d̄imatu'u wi'i dunia ake. 7 Nahu wa'ura ^batuku paralomba b̄une dou ma taji rai, ro wa'ura rakaku garis cumpukaina. Nahu ngge'e mpa to'akuc d̄i Al Masih sampe cumpukaina. 8 Ro ake wa'ura sadia wea hadia ngolukaiku b̄ara nahu wa'ura karawiku ma ncihi ncao b̄une ra kane'ekai b̄a Ruma, eded̄u hakim ma adil d̄imambei hadia ede d̄i nahu d̄i wakatu Sia hukum sara'ana dou. Ro laina nahu mpoa d̄imaraka hadia ede, pala samenana dou, ma ne'e poda ngena wakatu maikai Ruma.
Ngoa Ro Tei Cumpukaina
4:9-19
9 Usaha rocipu mai raka nahu, 10 b̄a one la Demas nameci ro ca'uku d̄i sara'a ma wara d̄i dunia ake, ndad̄i sia wa'ura tu'u wi'ina nahu ro nawa'ura lao aka Tesalonika. La Kreskes wa'ura lao aka Galatia, ro la Titus wa'ura lao aka dana ro rasa Dalmatia. 11 La Lukas mpoa mpa ma mbuipu lab̄o nahu. Lao weha aopu la Markus ro wa'apu sia mai sama-sama lab̄o nggomi, b̄ara sia naloa bantu ade karawikai nahu. 12 Nahu wa'ura kauku la Tikhikus lao aka Efesus. 13 Nggara nggomi mamaisi, wa'apu jumba nahu ra wi'i b̄a nahu d̄i uma la Karpus aka Troas. Wa'a raupu buku-buku nahu, ma penti poda buku-buku ra ndawi kai huri.
14 La Aleksander, mataki nde^de romba ede nawa'ura karawi lampa rawi-lampa rawi ma ipi dab̄ae d̄i nahu. Ruma d̄imacola cepena d̄i sia b̄une ra rawina. 15 Ndai nggomi pab̄uapu aina kabare d̄i sia, b̄ara sia wati poda ca'una haba ra ngoa ro kahaba b̄a ndaita.
16 Aipu wakatu nahu sarambakaina horuku weki ndai nahu d̄i pangadilan, wati wara kone sab̄ua dou rau ma horu nahu, sara'a dou tu'u wi'ina nahu. Nahu ma do'a, raho-raho to'i mpa Allah Ta'ala kangampuna siad̄oho. 17 Pala Ruma malab̄ona nahu. Sia mbeina tenggo ro wale, ndad̄i nahu kawa'u ngoa ro kahaba Injil ede, loakud̄u ringa b̄a sara'a dou ma laina Yahudi. Ro nahu loa hori weki ra d̄i bahaya made. 18 Poda romo Ruma ^dimahori kalosa nahu ra d̄i sanikina usaha ma dab̄ae d̄i ru'u b̄a nahu. Sia d̄imawa'a nahu kai salama d̄i ade Karaja'an-Na d̄i saroga. Pab̄uaku Sia d̄ikad̄ese ro kantasa santoi-ntoina! Amin.
Salam
4:19-22
19 Salam nahu d̄i ru'u b̄a la Priskila ro d̄i la Akwila ro d̄i iwa ro weki la Onesiforus. 20 La Erastus nangge'e d̄i Korintus, ro la Trofimus ma wunga supu wa'ura tu'u wi'i b̄a nahu d̄i Miletus. 21 Usaha poda-podapu nggomi mai sawatipu oru b̄usi ai.
La Ebulus, Pudes, Linus, lab̄o la Klaudia nggaduna salam d̄i nggomi; ndede rau samenana cinata masab̄ua imbi lab̄o ndai.
22 Raho-raho to'i mpa Ruma malab̄ona nggomi.
Raho-raho to'i mpa Ruma barekana nggomid̄oho sara'ana!
Salam do'a nami, Paulus