Dou mana'ekai Ela Ruma
3:1-7
3
Nancihi poda nggahi ro eli ake, <<Dou ma ne'e ndad̄i dou mana'ekai ela Ruma, sia nane'eku sab̄ua karawi ma poda-poda ntau co'i.>> 2 B̄ara ndedena, ndad̄i sab̄ua dou mana'ekai ela Ruma pab̄uaku dou ma wati wara ncara au-au. Ndad̄i sia sab̄ua mpa weina,b nawa'u pi'i adena, naloa timba ro lemba, nataho ruku ro rawina; naca'u tarima dou d̄i umana, naloa ngoa ro tei kataho dou; 3 aina dou ma ca'u mawu, atao ma ca'u ncao. Pala, sia pab̄uaku mapu nggahi ro elina ro naca'u rawi ma taho ro sana. Sia wati loana na'e ade d̄i piti. 4 Sia pab̄uaku ndad̄i dou mana'ekai uma ro salajana, ro ngoa ro tei kataho ana^dohona, ndad̄ina to'a d̄i ndai sia. 5 Ba one nggara watisi loana ato uma ro salaja ndaina, b̄uneku loana sia ato ela Allah Ta'ala? 6 Sab̄ua dou ma ndad̄i dou mana'ekai ela Ruma wati loana dou ma b̄ou mpa ra ndad̄i ela Al Masih, b̄ara peade sia nasombo edempara b̄oha b̄a ^ba'a b̄a Ruma b̄une Iblis ntoina. 7 Sia pab̄uaku dou ma taho ngara ade woha ela ro dou loakud̄u wati wara dou ma nuntu ka'iha sia. Kai ndedena, Iblis wati ^dimaloa tipu ro kuasakaina sia.Dou-dou Mabantu Ela Ruma
3:8-13
8 Dou mabantu ela Ruma pab̄ua rauku dou ra kaco'i b̄a ela ro dou. Siad̄oho pab̄uaku taho ro nira adena; siad̄oho pab̄uaku wati ncangga nuntu ro nggahina, wati na'e adena d̄i piti ro wati ca'una nono ^dimawukai. 9 Siad̄oho pab̄uaku nenti kaciana au ra katada b̄a Allah Ta'ala d̄i ndai mab̄oha imbi ndai, ro siad̄oho pab̄uaku morina kai adena ma raso. 10 Pab̄uaku siad̄oho ^di'uji wa'u, nggara podasi siad̄oho wati wara ma ihana, ede ampona loa siad̄oho bantu d̄i ade ela Ruma. 11 Wei sia^dohoc pab̄ua rauku dou ra kaco'i d̄i ade woha ela ro dou. Siad̄oho laina dou ma ca'u nuntu ka'iha dou makalai, siad̄oho nawa'u pi'i adena ro loa d̄i'imbikai d̄i ade sara'a lampa rawi. 12 Dou mabantu ela Ruma pab̄uaku sab̄ua mpa weina.d Sia pab̄uaku b̄adena ato anad̄ohona ro ato kataho uma ro salajana. 13 Siad̄oho ma kalampa kataho taki ro putana d̄i ade ela Ruma, ^dinaha lia ro horoma b̄a dou makalai, ro b̄ara ndedena siad̄oho naha disa nuntu ro nggahi d̄i dou makalai mab̄oha imbi siad̄oho d̄i Al Masih.
Rahasia Agama Ndaita
3:14-16
14 D̄i ne'e b̄a nahu wati ntoi walina nahu kane'e lao lamba nggomi. Kone ade ndedekaina, nahu ngge'e mpa tuntiku sura ake d̄i ru'u b̄a nggomi 15 loakud̄u nggara ngerisi mai nahu, nggomi ma wa'ura b̄ade b̄uneku ndaita pab̄ua mori kai dou ma ndad̄i iwa ro weki Allah Ta'ala eded̄u ela Allah Ta'ala ma mori. Ela Ruma akeku ma ndad̄i tandi'i ma kampende ro mabantu ngoa ro tei ma poda ro ma ncihi ra d̄i Allah Ta'ala. 16 Wati wara kone sab̄ua dou rau maloana kawati, ndede pahu na'ena rahasia agama ndaita:
Sia katadana weki kai pahu manusia,
ro kancihi b̄a Roh Allah,e
ro eda b̄a mala'eka-mala'eka.
Haba mab̄oha Sia d̄ingoa ro kahaba d̄i woha bangsa-bangsa,
ro Sia ^di'imbi d̄i sara'a dunia
ro ^dihanta lao aka saroga.