Londo Ro Mai Ana-Ana La Nuh
<1Taw. 1:5-23>
10
Akeku londo ro mai la Sem, la Ham ro la Yafet ana-ana la Nuh. Sawa'u b̄a mbere lino, wei siad̄oho toluna ede, ngganana ana-ana mone.2 Ana-ana la Yafet eded̄u la Gomer, Magog, Madai, Yawan, Tubal, Mesekh ro la Tiras. 3 Londo ro mai la Gomer eded̄u dou-dou Askenas, Rifat ro dou-dou Togarma. 4 Londo ro mai la Yawan eded̄u dou-dou Elisa, Spanyol, Siprus ro dou-dou Rodes. 5 Siad̄oho eded̄u wa'i ro waro b̄a bangsa-bangsa ma ngge'e d̄i sanaru kengge-kengge moti ro d̄i nisa-nisa.
Edeku sara'a londo ro mai la Yafet. Sanikina bangsa ro suku nangge'e d̄i cua-cua dana ro rasa ndaid̄ohona ro nantau bahasa ndaina.
6 Ana-ana la Ham eded̄u la Kus, Mesir, Libia ro la Kanaan. 7 Londo ro mai la Kus eded̄u dou-dou Seba, Hawila, Sabta, Raema ro dou-dou Sabtekha. Londo ro mai la Raema eded̄u dou-dou Syeba ro dou-dou Dedan. 8 La Kus nantau ana mone ngarana la Nimrod. La Nimrod ede nana'e kante'e ro nantau kuasa d̄i jaman ede. 9 Kai bantu b̄a RUMA, sia ndad̄i dou ma ngau poda nggalo. B̄ara ndedena, wara dou-dou ma ca'u nggahi b̄une ake, <<Raho-raho to'i mpa RUMA kandad̄ina nggomi sab̄ua dou ma ngau nggalo b̄une la Nimrod.>> 10 Karaja'ana ma saramba-rambakaina ra tu'u ba la Nimrod eded̄u Karaja'an Babel, Erekh ro karaja'an Akad, tolu mbua karaja'an ede hid̄ina d̄i Babilonia. 11 Sia tu'u wi'ina Babilonia lao aka Asyur, edempara tu'una kota Niniwe, Rehobot-Ir, Kalah, 12 ro kota Resen hid̄ina d̄i hela dua kota Niniwe ro kota Kalah. Sara'ana ede eded̄u kota-kota na'e.
13 Londo ro mai la Mesir eded̄u dou-dou Lidia, Anamim, Lehabim, Naftuhim, 14 Patrusim, Kasluhim, ro dou-dou Kaftorim. Bangsa Kasluhim ede ma ndadi wa'i ro waro b̄a Bangsa Filistin.
15 Ana-ana la Kanaan eded̄u la Sidon ma sasa'e lab̄o la Het. 16 La Kanaan rau wa'i ro waro b̄a bangsa Yebusi, Amori, Girgasi, 17 dou Hewi, Arki, Sini, 18 Arwadi, Semari ro dou Hamati. Suku-suku bangsa Kanaan ede nangge'e mbari mbura rero. 19 Ndad̄ina dana ro rasa siad̄oho nanaha paja ratampu'u d̄i Sidon lao d̄o-na salalo aka Gerar, saraka d̄eni lab̄o Gaza, ro lao elena malao aka Sodom, Gomora, Adma ro Zeboim, saraka d̄eni lab̄o Lasa.
20 Edeku sara'a londo ro mai la Ham. Sanikina bangsa ro suku nangge'e d̄i cua-cua dana ro rasa ndaina ro nantau bahasa ndaina.
21 La Sem sa'e la Yafet, eded̄u wa'i ro waro b̄a sara'a bangsa Ibrani. 22 Ana-ana la Sem eded̄u la Elam, Asyur, Arpakhsad, Lud ro la Aram. 23 Londo ro mai la Aram eded̄u dou-dou Us, Hul, Geter ro dou-dou Mas. 24 La Arpakhsad nantau ana ma ngara la Selah, la Selah nantau ana ma ngara la Eber. 25 La Eber nantau d̄ua dou ana mone, ma sarambakaina ngarana la Peleg,w b̄ara d̄i jaman ede bangsa-bangsa d̄i dunia cengga-cenggana weki; ma kad̄uakaina ngarana la Yoktan. 26 Londo ro mai la Yoktan eded̄u dou-dou Almodad, Selef, Hazar-Mawet ro dou-dou Yerah, 27 Hodoram, Uzal, Dikla, 28 Obal, Abimael, Syeba, 29 Ofir, Hawila ro dou-dou Yobab. Sara'ana ede londo ro mai la Yoktan. 30 Dana ro rasa ngge'ekai siad̄oho ratampu'u d̄i Mesa salalo aka Sefar, eded̄u dana ro rasa doro ta wela elena.
31 Edeku sara'a londo ro mai la Sem. Sanikina bangsa ro suku nangge'e d̄i cua-cua dana ro rasa ndaina ro nantau bahasa ndaina.
32 Edeku Sara'a londo ro mai la Nuh, ro sanikina bangsa ncihi ncao b̄une londo ro mai cua-cua ndai siad̄oho. Bangsa-bangsa d̄i dunia ake eded̄u londo ro mai siad̄oho sawa'u b̄a mbere lino ede.