4
इ गोट र बाद जोन मुय दकली काय दकबी आची कि सरग ने गोटक दुआर एकला आचे, आउर जाके मुय प्यला मोहरी र शब्द ले अपनार यगे गोट गोटायबार सुनी रई हाय बलूआय, ‘‘ये बाटे उपरे आवे , आउर मुय हाय गोट ताके उकायबा, जाहार इ गोट र बाद पूरा हायबार अवश्य आय । 2 अडकी दाय मुय आत्मा ने आयली आउर काय हकबी आची कि गोटक सिंघासन सरग ने संगायला आचे, आउर हाय सिंघासन ने कोना बसला आचे 3 जोन ािय ताने बसला आचे श्याब आउर माणिक्य जसन उका देसी आचे आउर हाय सिंघासन र चारो बांटे मरकट जसन मेघधनुप दका देसी, आचे । 4 हाय सिंघासन र चारो बाटे चैबीस सिंघासन आचे, आउर हाय सिंघासन ने चैबीस पुराना सफेद कुरता फिंदला बसला आचे आउर आउर तार मुड ने सोन र मुकुट आचे 5 हाय सिंघासन मन ले बिजली आउर गरज बार तिकरूआय आउर सिंघासन र छोमे र सातवा दीपक जलसी आचे, हाय मापरू र सात टा आत्मा आय, 6 आउर हाय सिंघासन र छोमे यानी बिलौर जसन कांच र समुंद आचे । सिंघासन र मंजी ने आंउर सिंघासन र चारो बाटे चार टा प्राणी आचेत, जाहार पीटी छोये ची आंकी आचे । 7 प्यला प्राणी बाघ जसन आय, आउर दूसरा प्राणी बछडा जसन आय, तीसरा प्राणी र मुंह मतुक जसन आय, आउर चैथा प्राणी उडला उकाव चसन आय । 8 चारो प्राणी र छः, छः टा पाकी आय, आउर चारो बाटे आठर भीतरे आंकी ची आंकी आचे, आउर हाय दिन रात्रि बिश्राम ना करी बलते रउआत , ‘‘पबितर, पबितर, पबितर, परभु परमेश्वर सर्वशक्तिबान, जोन रए आउर जोन आय जोन आयबा बीता आय ‘‘ 9 जडदाय हाय प्राणी हांतार जोन सिंघासन ने बसला आचे हाय युग युग जीव रउआय, महिमा आउर आउर आउर धन्यवाद करबू, 10 तेबे चैबीन प्राचीन आउर हांके जोत युग-युग जीव, ररनाय, जुआर कखू, आउर हाय अपनार अपनार मुकुट सिंघासन र छोमे ए बली करी डाली हेबाय, 11 ‘‘ हे हामर परभु आउर पंरमेश्वर तू ची महिना आउर आदर आउर सामरथ र योग्य आसः कसन बलले तू चा सबु बस्तु को बनायलीस, आउर हाय तोर ची इच्छा ले रए आउर सीजा गला ।"