2
ये मोर पिता मन, मुंय ये गोट तमके ये सिखायनी बाची की तमी पाप ना करा, आउर कोनी पानी करले तेबे बाबार लगे, हामर गोटक सहायक आचे, अर्थात धर्मी यीशु मसीह; 2 आउर हाई आमर पापर प्रायश्चित आय, आउर केवल हामर ची नाई मातर सबु जगतर पा केबले। 3 अगर हामी हातार आज्ञा के मानले, तेबे हातार ले हामी धानबु की हामि हाके जानी गलु आथु। 4 जोन कोनी ये बलु आत, "मुंय हाके जानी गली आची" आउर हातार आज्ञा के ना माने हाथ झूठा आर हातार थान सत नियाय; 5 मातर जोन कोनी हातार बचन उपरे चल हाय थाने सते महापरभु मया सिद्ध आचे। इस थान ले हामि जानु आव की हामि हाय थाने आचु ; 6 जोन कोनी ये बलु आय की मुंय हाय थोन बनी रउ आय हाके चाहिए कि आपना बले असरी ची चलो जसव हाय चलते रयें 7 हे प्रिय मैं तमके कोनी नुआ आज्ञा ना सिखाई, मातर हाई जुना आज्ञा जोन मुर ले तमके मिरला आचे, ये जूना आज्ञा ये बचन आय जाके तमी सुनला आस। 8 आउर बले मैं तमके नुआ आज्ञा सिखायबी आची, ये हाय तमर थाने सले ठेबसी; कसन की अंधार मेटले जाऊॅंय सत उजर ऐबे चमक के धरू आय। 9 जोन कोनी ये बलु आय की मुय उजर ने आची आउर आपना भाई ले बैर सोंगाड़े आय, हाय ऐबे तक ले अंधार चीने आचे। 10 जोन कोनी आपना भाई ले मया, सोगाउ आया हाय उजरने रऊ आय आउर ठोकर ना खायके ना सकें 11 मातर जोन कोनी आपना भाई ले बईर सोगाउ आय हाय अंधार ने आचे आउर अंधार ने चल सी आये, आउर ना जोन की कोनती जीबी आची, कसन की अंधार हाता आकी आंदा करी देला आचे। 12 ये पिला मन, मुय तुमके ये काजे लिखबी आची की हातार नाव ले तमके पाप क्षमा होयला आचे। 13 हे कुटुम, मुय तुमके येई काजे लिखबी आची की जोन मुर ले आय तमी हाके जानबास। हे जुआन मन मैं तमके ये काजे लिखबी आची की तमी होय युस्त उपर जय पायला आसा हे पिला मन मैं तमके ई काजे लिखली आची की तमी बाबार के जानी गलास। 14 हे कुटुम मुय तमके ये काजे लिखली आची की जोन मुर ले आय तमी हाके जानी गला आस। हे जुआन मन मुंय तमके ये काजि लिकली आची की तमी बन बिता हुआ, आउर महापरबुर बचन तमर थाने बनी रहूॅं आय, आउर तमी हाय युस्त ऊपरे जय पाहा। 15 तमी नाई तो सोंसार ले आउर ना सोंसार तीज ले मया सोगा। अगर कोनी सोंसार ले मया सोगाउ आय, तेने हाय थाने बना माया मिया। 16 कसन की जोन काई सोंसारने आय, अर्थात शरीर अभिलाषा आउर आकी अभिलाषा आउर जीवना घमण्ड ये बाबार बाटले नु आय मातर सोंसार ची बाटले आय। 17 सोंसार आउर हातार अभिलाषा चूना मेटते जाउ आय मातर जोन महापरबु मन ने चलु आय हाय सबु दाय बनी रयसी। 18 हे पिलामन, ये सरला समय आय आउर पासन तमी सुनला आस की मसीह विरोधी आय बा बिता आय हातार अनुसार ऐबे बले खुबे ले मसीह विरोधी उठी दिया होयला आत; ये थाने हामि जानबु आचु की थे सरला समय आय। 19 हाय मानसिक रू आत हामि ची ले मातर हामर थान ले नु आत, कसनकी अगर हाय मन हामार थान ले होयता य तो हामर संगे रयताय; मातर निकरी ये काले गलाय की हाय परगट होओ की हायमन सबु हामर थान ले नु आत। 20 मातर तमर तो हाय ब पवित्र ले अभिषेक होयला आचि, आउर तमी सबु कई जान बा आस। 21 में तमके ये काजे ना लिखलि की तमी सत के नाम जानास, मातरये काजे की हाके जानबास आउर ये काजे कोनी झूठ, सतर बाटले नुया ये आय। 22 झूठा कौन ? केवल हाई जोन यीशुर मसीहर होयबा ले इंकार करू आय; आउर मसीहर विरोधी हाई आय जोन बाबार आउर बेटा इंकार करू आय। 23 जोन कोनी बेटार इंकार करू आय हातार लगे बाबा बले नी आय; जोन बेटा के के मानु आय हातार लगे बाना बले आचे। 24 जोन कोई तमी मुर ले सुनला आस, हाइ तमर थाने बनी रहो; जोन तमी मुर ले सुनलास, अगर हाय तमर थाने बनी रहे तो तमी बचे बेटा ने आउर बाबा ने बनी खास। 25 आउर जाहार हाय हामके प्रतिज्ञा करला आचे हाय उनन्त जीवन आय। 26 मुय ये गोट तमके हातार विषय ने लिखलि आची, जोन तमके भरमाऊ; 27 मातर तमर आय अभिषे जोन हातार बाटले करा गला, तमर थाने बनी रहॅुं आय, आउर तमके एतार प्रयोजन नुआय की कोनी तमके सिकाओत, मातर जसन हाय अभिषेक जोन हातार बात ले करा गला तमके सबु गोट आय सिकाऊ आय आउर हाय सत आय आउर झुठा नु आय, आउर जबून हाय तमके सिखायला आचे असनी ची तमी हातार थाने बनी रउ आस। 28 अतः ऐ पिलामन हातार थाने बनी रहा की, जड़दाय हाय प्रकरट होओ तेबे हामके हिआव होओ, आउर हामि हातार आचले हातार धोमे लाज ना होओ। 29 तमी जानबास आस की हाय धरमी आय, तो ये बले जानबस की जोन कोनी धरमर काय करूॅं आय, ये हायथ ले जनमला आचे।