1 John
1 यूहन्ना
1
हाय जीवनर बचनर विषय ने जोन मुर ले रये, जोन के हामी सुनलू, आउर जोन के आपा आकी ले दकलु, मातर जाके हामि ध्यान ले दकलु आर हाथले छियलु। 2 ये जीवन प्रकट होयला आउर हामि हाके दकलु, आउर हाता गाही देबु आचु, आउर तमक हाय अनन्त जीवनर समाचार देबु आन्धु जोन बाना संगे रये आउर हामार उपरे परगट होयला। 3 जोन काई हामी दकलु आउर सुनलु आचु हातार समाचार तमके बले देबु आचु ये काजे की तमी बले हामर संगे सहभागी हुआ आउर हामर ये सहभागी बाबार संगे आउर हातार बेआ यीशु मसीह संगे आय। 4 आउर ये गोट हामी ये काजी लिकबु आनु की हामार आनंद पूरा होई जाओ। 5 जोन समाचार हामी हातार ले सुनलु आउर तम के सुनाय बु आचु हाय ये आय की माहापरबु उजर आय आउर हाय थाने काई नले अंधार नु आय। 6 अगर हामी बलबु की हातार संगे हामर सहभागीता आय आउरपछो अंधार ने हिण्डले तेबे हामी झूठा आव आउर सत उपरे ना टिकु। 7 मातर अगर जसन हाय उजर ने आय, असनी ची हामि बले उजर ने हिण्डु तेबे गोक दूसर ले सहभागी सेागाऊ आव, आउर हामार बेटा यीशुर लोक हामके सबु पाप ले शुद्ध करू आय। 8 अगर हामि की हामर थाने काई बले पाप नी आय, तो आपना निख के धोखा देउ आव, आउर हामर थाने सत निआय। 9 अगर हामि आपा पाप के मान ले तेबे हाय हामर पा के क्षमा करबार आउर हाकमे सबु अधर मले सुद्ध करबा के विश्वास लाईगर आउर धरमी आय। 10 अमर हामि बलले की हामी पाप ना करू, तो हाके झूइा ठाबाउ आव, आउर हाता बचन हामर थाने नी आय।