2 John
2 यूहन्ना
1
मुय पराचीन र बाटले हांय बाचला बायले आवरी तिकर बेटा नाब, जोन थाने मुय सत मया सोंगाऊ आंय, आवरी केवल मुय ची नाई मातर हांय मन सबु बले मया सोंगाऊ आत जोन सत के जानु आत ; 2 हांय सत जोन हामर थाने मंडी रउ आय, आवरी सबु दाय हामर संगे अटल रुऊ आय ; 3 माहा परबु र बाबा, आवरी बाबा र बेटा यीशु मसीह र बाट ले अनुग्रह आवरी दया आवरी शान्ति, सत आवरी मया संगे हामर संग रबाय | 4 मुय खुबे आनन्दित होयली की मुय तोर काय पिला के हांय आगिया अनुसार, जोन हामके बाबा बाबार बाट ले मिरला आचे, सत ने चलबार पायला | 5 एबे हे बायले मन, मुय तमके कोनी नुआ आगिया नाई, मातर हांई जोन मुर ले हामर लगे आचे, लिकबी आची ; तमके बिनती करबी आची हामि एक दुसर ले मया सोंगाहा | 6 आवरी मया ये आय की हामि हांतार अगिया मनर अनुसार चंलू ; ये हांई आगिया जोन तमि मुर ले सुनला आस तमके एतार उपरे चल बार आय | 7 कसन की खुबे ले असन भरमायबा बिता मन जगत ने निकरी आयला आत, जोन हांय ना मानेत की यीशु मसीह गागर ने होई करी ; भारमायबा बिता मन आवरी मसीह -- विरोधी ये ई आत | 8 आपनाबिसय ने बरसक राहा ; की जोन परिश्रम हामि करबू आचू हांके तमि हाजाय ना दियास, मातर हांतार पूरा परति फल पाहा | 9 जोन कोनी मसीह र शिक्षा ले छोमे ले बड़ी जाऊ आय आवरी हांय थाने बनी ना रये, हांतार लगे माहा परबु नाई; जोन कोनी शिक्षा ने मंडी रऊ आय, हांतार लगे बाबा बले आचे आवरी बेटा बले | 10 अगर कोनी तमर लगे आयले आवरी येई शिक्षा ना देस, हांके ना तो घर ने आयके दियास आवरी ना नमस्कार करा 11 कसन की जोन कोनी असन झन के जुआर करबा आस,हांय हांतार अडरा काम ने सोंगवारि होऊ आय | 12 मोके खुबे गोट तमके लिख्रबार आय, मातर कागच आवरी सिहाई ले लिखबार ना चाहयबी आची, मातर आशा आचे की तमर लगे आयबी आवरी छोमा छमि गोट बात करबी, जोन थाने तमर आनन्द पूरा होओ | 13 तोर बाचला भईन मन र पिला टोकी तमके जुआर करबा आत |