8
अबर मुरती मनर छमे बली देलार तीज मनर बारे ने - हामि जानू की हामि सबु के गियान आचे |गियान घमण्ड के आनु आय, मातर मयाले उन्नति होऊ आय | 2 अगर कोनी समझोत की मय काई जानी, तो जसन जानबार आय असन एबले बले ना जानी | 3 मातर अगर कोनी माहा परभू ने मया करू आय, तो माहा परभू ताके चिताऊ आय | 4 जसन मुरती मनर छमे बलि देला तिज मनर खायबार बारे ने - हामी जानू की मुरती जगत ने काई चिन्ता नुआय, आवरी गोटक के छाड़ी आवरी कोनी माहा परभू निआय | 5 यधपि बादरी ने आवरी धरतनी ने खुबे असन भगवान बलाय होऊ आत - जसन की खुबे असन भगवान आवरी खुबे असन परभू आचेत - 6 तेबे पने हामर काचे तो गोटकी माहा परभू आय : जसन बुआ जाहार बाटले साबू तिज आय, आवरी हामी ताहारी काजे आंव |आवरी गोटक ची परभू आचे जसन की यीशु मसीह जाहार बाटले सबु तिज होयला, आवरी हामी बले ताहरी बाटले आंव | 7 मातर साबू के ये गियान निआय, मातर कोनी तो एबले पने मुरती के काई समझ बार लागी मुरती मनर छमे बली देलार तिज मन के काई समझी करी खाऊ आत, आवरी तिकर बिवेक बल ना होयबा लागी अशुद होऊ आय | 8 भात हामके माहा परभू र लगे ना नेये अगर हामी ना खायलु आले हामर काई घाटा नुआय, आवरी अगर खायलु आले काई लाभ निआय | 9 मातर सावधान ! असन ना होओ की तोमर ये आजादी कतक कमजोर लोक काचे बूगत बार कारन होयसी | 10 कसन की अगर कोनी तुय गिआनि के मुरतीर मन्दिर ने भात खायबा दकले आवरी हांय कमजोर लोक होयसी, तो काय हातार अकल करे मुरतिर छमे बली देला तिज के खायबार साहास ना होये | 11 असनी निति ले तोर गियान लागी हांय कमजोर भाई जाहार काचे मसीह मरला, नाश होई जायसी | 12 असनी ची भाई मन र बाटे अपराध करले आवरी तिकर कमजोर अकल के घाव देले तमि मसीह र बिरुध ने अपराध करू आस | 13 एतार लागी अगर भात मोर भाई के भुकतायसी, तो केबई कोनी निति ले माऊस ना खांई, ना होओ की मय मोर भाई काचे भुगत बार कारन बनबि |