MARK
मरकुस
1
माहापरूर बेटा यीशू मसीर अच्छा खबर के मुराए बा टा | 2 जसन येशाया भभीसर गोट के सांगू बीतार कीताब ने लिखला आचे दक, मोय मोर दूत के तोर छमे पटाय बी आची, जोन तोर काजे बाटके सुदरायसी | 3 झार बिथरे गोटक हागदेबा बीतार गोट सूना देसी आचे की परबूर बाट के तियार करा, आवरी तार बाट के सलक करा | 4 येहुना आयला जोन झार भीतरे बपतिस्मा देयते आवरी पापर क्षमा काजे मनके बहाड़ाय बार बपतिस्मार परचार करते रये | 5 सबु यहूदि परदेसर आवरी यरूशलेमर रबा लोक निकरी करी हांतार लगे आयलाय,आवरी अपनार पाप मन के मानी करी येरदन नदी ने हांतार ले बपतिस्मा धरलाय | 6 येहूना ऊटर रुआँर फटीई पिंदिकरी आवरी अपनार आंटा ने चामड़ार पटा बाँधी रबार आय आउर थापा मन आवरी झार ओन्डार खायते रला, 7 आवरी ऐ परचार करते रये, मोर पाचे हाँयबा बीता आय. जोन मोरले बले ताकत बिता आय; मय ऐलाईगर नुआय कि लोंईकरी हांतार पनीईर गटी के ढीलबी | 8 मोय तो तमके पानी ले बपतिस्मा देली आचे मातर हाँय तमके पवित्र आत्मा ले बपतिस्मा देसी |'' 9 हांय समया ने यीशु गलीलर नासरत ले आई करी यरदन ने युहन्ना ले बप्तिस्मा धरला| 10 आउर जड़कदाय हाँय पानी ले निकारी करी उपरे आयला, तो अडकी ची दाय हाँय बादरी के उगाड़ बार आवरी आत्मा के पोरवां असन आपनार उपरे ऊतर बा टा के दकला| 11 "आवरी बादरी ले गोटक शबद सूना देला, तूई"" मोर अच्छा बेटा आस, टोरकाजे मोय अरिक आची|”" 12 तेबे आत्मा ताके तुरते झार बाटे पटायला| 13 झार बितरे चालीस दिन ले सैतान ताके परिक्या करला; आवरी हाँय झारर पशु मन संगे रहे. आवरी सोरगदुत मन आंतार सेवा करते रहेत|यिशुर सेवा काम मुराय बार 14 यहुना दराये होएलार पाचे यीशु गलील ने आई करी महापरुर राज्यर सुसमाचार परचार करला, 15 आवरी बल्ला, “समय पूरा होएला आचे, आवरी महापरुर राज्य लगे आयला आचे; मन के बदला आवारी सुसमाचार उपरे विश्वास करा|; 16 गलील देशर सागरर रेटे रेटे जीबादाय, हाँय समोंन आउर तार भाई आंद्रियास के सागर ने झाली पकाया बा टा के दकला; कसन बल्ले आयमन माच दरु मन रहेत| 17 यिशुमसी तिके बल्ला, मोर पिटी बाटे आसा; मोय तमके माने लोकर दरू बनाए बी|” 18 आयमन तुरते झालमन के छाड़ी करी आन्तार पिटी पिटी गलाए| 19 कतक दूर जाई करी, हांय जब्दिर बेटा याकुब, आउर तार भाई यहुन्ना के डोंगा ताने झाल्के सिल्बा टाके दकला| 20 हाँय अडकी ची दाय तिके हाग देला; आउर तार बाबा जब्दी के हाँय थाने बुतियार मन संगे डोंगा ने छाडी करी आतार पिटीपिटी गलाए| 21 तेबे हांय मन कफरनहुम ने आयलाय आउर हांय अडकीदाय सब्दर दिने मंडली घरे जाई करी उपदेस देएके मुराएला| 22 आउर लोक मन आंतार उपदेस ले चकित होएलाए; कसन बल्ले हाँय तिके शास्त्री मन असन नाई, मातर अधिकारी असन उपदेस देयते रला| 23 अडकीदाय, तिकर मण्डली घरे गोटक मुनुक रहे आन्तार बितरे गोटक भूत आत्मा रहे| 24 "हांय चिचाय करी बल्ला, ""हे यीशु नाशरी हामोर संगे तोर काय काम आचे? काय तुए हाम्के नष्ट करके आयली आस? मोए टोके जानी, तुय कोन आस? महापरुर पवित्र लोक आस|" 25 यीशुमसी ताके चिचाय करी बल्ला, होगाए होई रा; आवरी हाँय थानले निकारी जा|” 26 भूत आत्मा ताके अलट बिलट करी, आउर खुबे जोडले चिचाय करी निकरी गला| 27 "हांके दकीकरी सबु लोक चकित होई गलाय आउर आपना मन गोट बात ने दरा दरी रहेत, “ये कसन गोट आए? येतो काई नुहा उपदेस आय| येतो अधिकार संगे भूत आत्मा मन के बल्ले बल्लू आय, आउर हाँयमन तार गोटके मानुआत|""" 28 आउर आतार नाव तुरते गलीलर आली पालिर सबु देस ने पहुंचला| 29 हाँय अडकी ची दाय मण्डली घरले निकरी करी, याकूब आवरी युहन्ना सने सिमोन आवरी आंद्रियास घरे आयला| 30 सिमोनर सतरी खुबे जर दरायते रहे, आवरी हाँय अडकी ची दाय हाँतार बारे ने बोल लाय 31 तेबे हाँय लेगे जाईकरी हाँतार हाथ के धरी करी ताके उठाय ला; आवरी हांतार जर उतर, ला आउर हाँय तिके मानदान करला| 32 सन्ज बेरा जडदाय बेर बसला तेबे लोक मन सबु बेमारी के आवरी हाँय मन के जोंन जोंन के अशुद आत्मा रहे, हांतार लगे आन लाय| 33 आवरी सबु सहरर लोक दुहार ने कूड़ा होएलाय| 34 यीशु खुबे रकमर बेमार तानले दण्ड पायते रला लोक के अच्छा करला,खुबे असुद आत्मा के बले निक राहे ला, आवरी असुद आत्मा मन के बोलके ना देला, कसन बल्ले हाँय मन यीशु के जानते रहेत 35 बड़े सकरिया उजर होएबार पहले हाँय उठी करी निकरला, आवारी गोटक जार लगे गला अवारी हांती प्राथना करके मुराय ला| 36 तेबे सिमोन आवरी आन्तार संगवारी मन यीशु के ढगरायते गलाय| 37 जडदाय हाँय मिरला, तेबे हाँय मन के बल्ला, “ सबु लोक टोके ढगरायबा आत |” 38 यीशु तीके बल्ला, “ आशा आमी आवरी कोनी आली पालीर गांव ने जो, की मोय हाँय ताने बले परचार करबी, कसन बल्ले मोय एतारी कजे आयली आचे|” 39 इकजे हाँय सबु गलील ने हाँय मनर मण्डली घर ने जाई जाई करी परचार करला आवरी असुद आत्मा मन के निकाराहेते रला| 40 गोटक कोड़ी रोगी हांतार लगे आयला ताके गुहारला आवारी आन्तार लगे मांण्डी खुटा देई करी हाँके बल्ला, “तोर मन होएले मोके अच्छा करके सकिस|” 41 हाँय हांतार पुररे जीव दुकाय करी हाथ लमायला, आवरी ताके छिंई करी बल्ला, “ मोय मन कर बी आचे तूई चूक चूका|” 42 आवरी तुरते हांतार कोड़ बेमार छाड़के मुरायला, आवरी हाँय चूक चूका होएला| 43 तेबे हाँय ताके चिताय करी तुरते विदा करी देला, 44 आवरी ताके बल्ला, “दक, कोनी के काँई ची ना सांग, मतर जाईकरी खुद अपना के याजक (महापरुर पुजारी) के दकाव, आवरी अपनार चूक चूका होएला टाके जोंन बल्ले मूसा विद्धि बनायला आचे हांके भेट चेगाव की तिकर लगे गवा होओं|” 45 मतर हाँय बाहरे जाई करी एगोट के खुबे परचार करी आवरी हांयतानले सांके मुरायला की यीशु आउर लोकर दकत ने सहरे जायके ना सकला, मतर बाहरे झार कटा रहे, आवरी सबु बाटले लोक आंतार लगे आयते रालाये|