19
जेबे यीशु ये गोट के बलि सारला, तेबे गलील ले जायते गला; आवरी यरदनर आंय पाट यहुदियार देश ने आयला | 2 तेबे बड़े भीड़ हांतार पिटी आयलाय, आवरी हांय आंती अच्छा करला | 3 तेबे फरीसी मन हांतार परिकचा दरबा काजे लगे आसी करी बलके मुराय लाय, “काय सबुर लागी अपनार बायले के छाड़ बार अच्छा आय ?” 4 हांय बलला तमी ना पड़ला आस की जोन तिके बनायला, हांय आगले माने आवरी बायले बनाय करी बलला, 5 तेबे हांय दुई नाई मातर गोटक घागर आय | आंय काजे जोन के महा परभू जोड़ ला आचे,आंय के माने मन अलगे ना करा | 6 हांतार लागी माने मन अपनार आया बाबा ले अलह होई करी अपनार बायले संगे रयसी आवरी आंय दुनो गोटक घागर होयबाय ? 7 हांय मन ताके बललाय, पाचे मुसा ये काय काजे बनायला की त्याग पत्र देई करी आंके छाड़ी देस? 8 हांय तिके बलला,मुसा तमर मनर कटोरता लागी तोमके अपना अपनार बायले के छाड़ी देबार आगेया देला, मातार पहेले ले असन ना रला, 9 आवरी मैं तोमके बलबी आची की जोन कोनी वेबिचार के छाड़ी आवरी काई दूसरा लागी अपनार बायले के छाडी करी दूसरा संगे बिहा होयले, हांय वेबिचार करू आय; आवरी जोन हांय छाड़ला बायले के बिहा करसी, हांयपने वेबिचार करू आय | 10 चेला मन ताके बललाय,अगर मानेर बायले संगे असन बंदन आचे, तो बिहा करबार अच्छा नुआय 11 हांय तिके बलला, सबू ये बचपन के मान के ना सकेत, मातर आयची जोन के ये दान दिया गला आचे | 12 कसन ली कतक नपुसक असन आचेत जोन आया र पेट ले ची असन जनमलाय; आवरी कतक नपूंरक असन आचेत, जोन सरगर राज काजे खुद के नपूंरक बनाय लात | 13 तेबे लोक पिला मन की हातार लगे आनलाय की हांय तिकर उपरे हाथ सोंगाव, आवरी परथना करो, तेबे चेला मन तिके झगड़ा कर लाय | 14 यीशु बलला, पिला मन के मोर लगे आयके दियास, आवरी तिके माना ना करा, कसन की सरगर राज असनी मनर आय | 15 आवरी हांय तिकर उपरे हाथ सोंगाय करी आंयती ले जायते गला | 16 गोटक माने यीशु लगे आयला आवरी ताके बलला ये गुरु,मैं कोनअच्छा काम करबी की अनन्त जीवन पायबी? 17 हांय ताके बलला, तुई मोके दया विषय ने काय काजे पचारबी आस, तेबे आगेया के मानते रा | 18 हांय ताके बलला, कोन आगेया के यीशु बलला, एके मरनेनामार,वेबिचार ना कर, चोरी ना कर,झट ना बल, 19 अपनार बाबा आवरी अपनार आया के आदर कर, आअवेइ अपनार घर लगर लोक के अपनार समान मया कर | 20 हांय जुआन हांके बलला, ये सबू के मैं मानली आची; अबर मोरले काय कमी आचे? 21 यीशु ताके बलला, अगर तुई ची होयबार चयबी आस तोजा,अपनारसमान के जीकी करी कंगाल मन के देस, आवरी टोके सरगर धन मिरसी; आवरी आई करी मोर पिटी बाटे हो | 22 मातर हांय जुआन ये गोट के सुनी उदास होई जायते गला, कसन की हांय खुबे धनी रला | 23 तेबे यीशु अपनार चेला मन के बलला, मैं तुमके सते बलबी आची की घन वान मन सरग राज ने जिबार मश्किल आय | 24 तमके आवरी बलबी आचे की महा परभुर राज ने घन वान मन आयले ऊटर सुजिर नाक ले निकबार मश्किल आय 25 ये सुनी चेला मन खुबे चकित होई करी बललाय, आवरी कांहार मुक्ति होयसी ? 26 यीशु तार बाटे दकी करी बलला, माने मन लेतो ये होयके नासके,मातर महा परभू लेसबू होयके सके | 27 पाचे पतरस ताके बलला,दख, हामी तो सबू के छाड़ी करी तोर पिटी बाटे होयलू आचे; 28 यीशु तिके बलला, मैं तमके सते बलबी आची की नुआ दुनिया ने जेबे मानेर बेटा अपनार महिमार सिंगा सन ने बससी, तेबे तमी पने जोन मोर पिटी बाटे आय लास, बारा सिंगा सन ने बसी करी एस्त्राएलर बारा गोत्रर नियाय करबास | 29 आवरी जोन कोनी घर मन, नोयले भाई मन, नोयले बहिन मन , नोयले बाबा, नोयलेआया, बायले पिला टोकी,नोयले बेड़ा के मोर नावर लागी छाड़ी देऊआत, तिके सो गुना मिरू आय आवरी हांय जुग जुगर जीवनानेअधिकारी अऊ आय | 30 मातर खुबे ले जोन चोमे आचेत, पिटी बाटे होयबाय; आवरी जोन पिटी बाटे आचेत, चोमे होयबाय |