18
अड़की ची दाय चेला मन यीशु लगे आइ करी पचार लाय, “सरगर राज ने बड़े कोन आय?” 2 असनि हांय गोटक पिला के लगे आग देई करी तिकरमंजी गता टिया करला, 3 आवरी बलला, “मैं तमके सटे बोलबी आची की जड़ दाय ले तमी ना बाहाड़ास आवरी पिलार समान ना बनास| तुई सरग राज ने होलके ना सकास | 4 जोन कोनी अपना के ये पिला असन सुरु करला आले,हांय सरग राज ने बड़े अउ आय | 5 आवरी जोन कोनी मोर नाव ले असन पिला के अपनाऊ आत आंय मोके अपनाऊ आत | 6 """मातर जोन कोनी ये सुरु तान ले जोन मोर उपरे इश्वास करू आत गोटक के टोकर कुआय ले, हांतार काजे अच्छा की बड़े चकार पाट हांतार तोडरा ने ओराय जाउ आय, आवरी हांय गडिया समुंद ने बूड़ाय |" 7 टोकरर लागी संसार उपरे आय | टोकर लागबार आय ची; मातर आय हाँय मानेर उपरे जाहर बाटले | 8 ”अगर तोर हाथ तोर गोड़ टोके टोकर कुआय ले तो आंके गोंदी करी पकाय देस, डुंडा या कोड़ीया होई करी जीवन ने होल बार तोर काजे अच्छा की दुई टा हाथ या दुई टा गोड़ रई करी तुई जुग जुग गर जोय ने पकाय जाहोत | 9 मातर तोर आंकी टोके टोकर ना कुआय ले, तो हांके निकराय करी पकाय देस, काना होई करी जीवन ने होल बार तोर काजे एतार ले अच्छा आय की दुई आंकी रही करी तुई नरकर जोय ने पकाय जाहोत | 10 """दका, तमी ये सुरु मन ले कोनी के गिनाए ले,” कसन की मैं तमके बलबी आची की सरग ने तार दूत मोर सरगर बाबार सबू दाय दकू आय |" 11 [कसन की माने आजला लोक के बाचाय के आयला आचे |] 12 """तुई काय विचार करबा आस? अगर कोनी मानेर सो मेंडा मन आचेत, आवरी आंय तान ले गोटक आजले, तो काय हाँय एक कम सो के छाड़ी करी, आवरी डोंगरी ने जाई करी,आंय आजला टाके ना डगरायसी?" 13 आवरी अगर असन हो की ताके पायले, तो मैं तमके सटे बलबी आचे की आंय हांय एक कम सो मेंडा मन काजे जोन बुलकी ना रहे,अतकअरिक ना करिस जतक की ये मेंडा काजे करू आस | 14 असनी यी तमर बाबा जोन सरग ने आचे ये मन नुआय की ये सुरु तान ले पने गोटक पने नास ना होओं | 15 अगर तोर भाई तोर विरुद अपराद करुआय,तेबे जा आवरी एकला ने गोटाय करी समजाव; अगर हांय तोर सुनले टी तोर भाई के पायलिस | 16 अगर हांय ना सुनले, तो गोटक या दूई जन के अपना संगे आवरी ने, की सबू गोटक गोट दुई नोयले तीन गवार मुंह ले जरुर होयासी | 17 अगर हांय तिकर पने ना माने, तो कलीसिया ले बलि देस,मात्रकलीसिया ले पने ना माने, तो तुई ताके दूसरा जाती मन ले आवरी उसली दरबा बिता मन असन जान | 18 मैं तमके सते बलबी आचे, जोन कांई तमी धरती नी बांदस, आंय सरग ने बांदसी आवरी जोन कांइ तमी धरती ने उगाड़ बास, आंय सरग ने उगाड़ी होयसी | 19 आवरी मैं तमके बलबी आचे, मातर तमिले दुई जन धरतनी उपरे कांई गोट काजे गोटक मन होई करी आंके मांगले, तो आंय मोर बाबा बाटले जोन सरग ने आचे, तिकार काजे होयसी | 20 कसन की जोन ताने दुई नोयले तीन मोर नाव ले खुडा अउआत, आंय ताने मैं तिकर मंजी गता रऊँ आन्य |” 21 तेबे पतरस लगे आसी करी आंके बल्ला, “ये परभू अगर मोर भाई अपराद करते रउआय, तेबे मैं कतक आर आंके चम्मा करू आय?काय सात आर ले?” 22 यीशु आंके बबला, “ मैं टोके ये ना बलबी आचे की सात आर ले पने मातर सात आरर सतर ले | 23 """ एई काजर सगर गर राज हांय राजार असन आय, जोन अपनार दास ले लेखा दरके बाऊ आय |" 24 जद दे हांय लेखा दरसी आचे,तेबे गोटक जन के हांतार चोमे आन लाय जोन दस हजार तोड़र करज दार रहे | 25 जड़ दाय चुटबा काजे हांतार लगे कांइ ना रहे, तेबे हान्तार मालिक बलला, ये आवरी एतार बायले आवरी पिला टोकी आवरी जोन कांई पने एतार आचे सबू बिकी करी, आवरी लागा चुटी दियास, 26 एयिताने हांय दास गसरी करी पांयपड़ला, आवरी बलला, ये मालिक दिरज दर मैं सबू के चुटी देबी | 27 तेबे हांय दास के मालिक जीव दुकाय करी आंके देला, आवरी हान्तार लागा पने चमा करी देला | 28 """मातर जड़ दाय हांय दास बाहारे निकर ला, तेबे हातार संगे दास मन ले गोटक आंके बेटला जण आंके सो दिन नारर लागा बिता रहे, हांय ताके दरी करी हान्तार टोडरा के चेपायला आवरी बलला, जोन कोनी तोर उपरे लागा आछे बरी देवत |" 29 एइताने हांतार संगर दास गसरी करी आंके बिनती करला, दिरज दर,मैं सबू बरी देबी | 30 हांय ना मानला, मातर जाई करी आंके जेयल घरे होलाय देला की जड़ दाय ले लागा ना बरी देये, अड़ दाय ले आंती रहो | 31 हातार संगर दास ये जोन होई रहे दकी करी खुबे मुरमुरा होयला,आवरी जाहिंकरी अपनार मालिक के सबू गोट के सांगला | 32 तेबे हातार मालिक आंके आग देई करी बलला, ये मुरक दास तुई जोन मोके बिनती करलिस, तेबे मैं तोर आंय सबू लागा के चमा करी देली | 33 एइकाजे जसन मैं तोर उपरे दया करबार ना असनी काय तुईबलेअपनार संगर दास उपरे दया करबार नारहे? 34 आवरी हातार मालिक रिसेहोई आंके दंडदेबा बितारहाथनेसोपीदेला,कीजड़ दायले हांयसबू लागाके बरीना देये, अड़दायलेहातारहाथेरहो, 35 """ एपरकार अगर तमर लेसबू अपनार भाई के मन ले चमा ना करास, तेबे मोर बाबा जोन सरगने आचे, तमोर लेपने असनी चीकरसी |”"