यीसू मसी गै खास चेलै यूहना नै मिलेड़ा दरसण
ईं किताब गै बारै में
आ किताब यूहना गै द्वारा लिखी जाण गो अनुमान है। ओ संदेस एसिया इलाके में रेण आळै मसी झुण्ड गै नाम लिख्यो गेयो झिकै टेम बठै गा मसी लोगां नै भोत तंग करया जावंता क्यूंकै बे लोग मसी नै प्रभु अर मुकती देण आळा मानता। ईं संदेस में मसी बिस्वासियां नै होसलो देणो है कै बे ईं दुख गी घडी में आपगो बिस्वास ना छोड़ै। इमै खास कर'गे प्रकास गै बारे में लिखेड़ो है। इंगो मतलब आण आळै दिना में के हो'सी बिंगै बारे में। आ बात बठै गै मसी लोगां नै समझ आ'गी। अर परमेसर प्रभु यीसू गै द्वारा आपगै सारै बैरियां नै जिंया सैतान आनै सदा खातर हरा देसी अर आ पर पूरी तरियां जीत हासिल करसी अर आपगै बिस्वासी लोगां नै नुओ आसमान अर नुई धरती गी आसिस पूरी तरियां देवैगो।
जद लेखक पतमुस टापू में बंदी वास में गेयो बठै बिनै ई प्रकास गो चानणो होयो। बठै इफिसुस गै इलाके में रेगे सेवा करी जद बिनै बठै जेळ में बी करयो गेयो। लेखक मसी बिस्वास नै एक पक्की आस देवै है इमै अंत गै दिनां में होण आळी सारी घटनावां लिखेड़ी है।
ओ खत डोमिसन गै राज में ईस्वी सन् 94-96 में पतमुस टापू में लिख्यो गेयो।
रूप रेखा
भूमिका 1:1-8
सातूं बिस्वासी मण्डली नै खत 1:9–3:22
सात सेहरा ऊं बंद चर्मपत्र 4:1–8:1
सात तुरई 8:2–11:9
अजगर अर दो डांगर 12:1–13:18
ओर दरसण 14:1–15:8
परमेसर गी रीस गी सात कटोरा 16:1-21
बेबिलोण गो अंत अर झूठी बात बोलण आळै गी हार 17:1–20:10
आखरी न्याय 20:11-15
नुओ आकास, नुई धरती, नुओ यरुसलेम 21:1–22:5
उपसंहार 22:6-21