यीसू मसी गै खास चेलै यूहना गो लिखेड़ो पेलो खत
ईं खत गै बारै में
यूहना यीसू मसी गै बारां चेला माऊं एक चेलो हो। यूहना गो खत अर यूहना गो सुब समाचार नै लिखण आळो यूहना एक ई आदमी हो। यूहना गो पेलो खत दो खास बातां पर लिखेड़ो है: पेली बात, आपणी सुणण आळै गो परमेसर अर बिंगै बेटै यीसू मसी गै सागै साझेदारी गो जीवन बिताण में हिम्मत देणी अर दूसरी बात झूठी सिक्सा गो पालण करणो झिकी ऊं ओ साझेदारी खतम हो जावैगी, इंगै बारे में समाचार देणो। आ झूठी सिक्सा ईं धारणा पर लिखेड़ी ही कै बुराई ईं संसार गै सांमै आण गो उत्त्तर होवै है अर ईंखातर यीसू मसी परमेसर गो बेटो है। सच्च में माणस गो बेटो कोनी हो सकै। आं परचारकां गो दावो है कै उद्धार लेण खातर एक आदमी नै ईं संसार गै जीवन ऊं जुड़ेड़ी बातां ऊं दूर रेणो पड़ै अर बे ओ बी सिखावै कै भलाई अर अपणै भाई ऊं प्रेम राखण जिसी बातां ऊं मुकती गै सागै कोई रिस्तो कोनी है।
ईं सिक्सा गै बिरोध में लेखक पक्को लिखै है कै यीसू मसी सई रूप में आदमी हो अर ईं बात पर जोर देवै कै बे झिका यीसू मसी में बिस्वास करै अर परमेसर ऊं प्रेम राखै है बे जरूर आपस में एक दूसरै ऊं प्रेम राखै।
रूप रेखा
भूमिका 1:1-4
जोती अर अंधेरो 1:5–2:29
परमेसर गी उळाद अर सैतान गी उळाद3:1-24
सच्चाई अर झूठ4:1-6
प्रेम गी जरूरत 4:7-21
जीतणै गो बिस्वास 5:1-21