यीसू मसी गै खास चेलै पतरस गो लिखेड़ो दूसरो खत
ईं खत गै बारै में
पतरस गो दूसरो खत सरू गै एक मोटै झुंड़ गै नाम लिख्यो गयो है। ईं खत नै लिखण गी खास बात आई कै झूठै सिक्सकां गै विरुद्ध अर आ कठिनायियां गो उतर परमेसर अर यीसू मसी गै सच्चै ग्यान ऊं बणयै रेण ऊं मिलै। ओ ग्यान बा लोगां तांई पुगयो झिका आप यीसू मसी नै देख्यो अर बांगी सिक्सा नै सुणी। लेखक बा लोगां गी सिक्सा ऊं दुखी है झिका इंया केवै कै यीसू मसी अब पाछो कोनी आवै।
लेखक इंया केवै कै मनै इंया लागै कै मसी गै आण में देर होण लागरी है। पण देर ईंखातर होवै कै परमेसर कोनी चावै कै कोई बी नास होवै। बो इंया चावै है कै सारा नै मन बदळण गो मोको मिलै।
रूप रेखा
पतरस गी ओर ऊं निमस्कार1:1-2
मसी गो बुलाणो 1:3-21
गळत सिक्सा देण आळा 2:1-22
मसी गो न्याय करण खातर आणो 3:1-18