इफिसुस सैहर गै मसी लोगा गै नाम
यीसू मसी गै खास चेलै पौलुस गो खत
ईं खत गै बारै में
इफिसुस गै नाम खास चेले पौलुस गो ओ खत सारा ऊं पेला परमेसर गी योजना सागै है। झिको कीं सुरग में अर धरती पर है सारो कीं मसी में भेळा करो, आ परमेसर गै लोगा ऊं बिनती बी है कै बे यीसू मसी नै मिनख जाती गी एकता गै खातर ई म्हान योजना गी तरियां आपगो जीवन बितावै है।
ईं खत में इंया लिखेड़ो है कै पिता परमेसर आपगै लोगां गो चुनाव करयो अर किंया यीसू मसी गै द्वारा बानै आपगै पापां ऊं माफी मिली है अर किंया पवितर आत्मा गै द्वारा परमेसर गै म्हान वायदे नै पूरो होण गो भरोसो दियो गयो है।
मसी ऊं जुड़ेड़ै परमेसर गै लोगां नै एकता करण खातर इंया केयो है कै बिस्वासी लोग एक देह गै समान है। आंगो सिर मसी है। ओ एक मकान गी तरियां है झिकै में कूंट गी ईंट मसी है। बिस्वासी एक घराळी गी तरियां है झिकी गो घराळो मसी है। ईं खत में हर एक बात मसी गै प्रेम, बलिदान, माफी, किरपा अर नेम गै बारे में लिखेड़ी है।
पौलुस ओ खत रोम गी जेळ में लिख्यो है अर ईस्वी सन् 60-62 गै टेम में लिखिज्यो है।
रूप रेखा
पौलुस गी ओर ऊं निमस्कार 1:1-2
मसी अर बिस्वासी मण्डली 1:3–3:21
मसी में नुओ जीवन 4:1–6:20
आखरी निरदेस 6:21-24