कुरुन्थी सैहर गै मसी लोगा गै नाम
यीसू मसी गै खास चेलै पौलुस गो दूसरो खत
ईं खत गै बारै में
पौलुस गो ओ दूसरो खत कुरुन्थ गी बिस्वासी मण्डली गै नाम बि टेम लिख्यो जद बांगै बिचाळै कोई वाद विवाद हो'ग्यो हो। बिस्वासी मण्डली गै केई बिस्वासी लोगां पौलुस नै दोस लगाया पण पौलुस फेर बी ईं खत गै द्वारा बांगै सागै आपगो प्रेम परगट करयो। अर बानै समझाण गी बी कोसिस करै। अर केवै है कै क्यूं इतो सकत व्यवहार करयो है अर बांगै सकत व्यवहार गो नतीजो मेल मिलाप में बदल जावै है अर बाद में पौलुस बिस्वासी मण्डली गा मसी लोगां नै आपगो मन खोलगे दान देण खातर केवै। अर अपणै आपनै एक खास चेला होण गो दरजो देवै।
ओ खत ईस्वी सन् 56 में फिलिप्पी में लिख्यो गेयो अर बिस्वासी मण्डली में केई गलत सिक्सा देण आळा आ गेया हा। ओ समाचार मिलता ई पौलुस बिस्वासी मण्डली ऊं मिलणो चायो अर बिरोध करण आळा लोगा नै माफ करण गी सोची। ओ खत बि बिस्वासी मण्डली में तीतुस गै हात भेज दियो अर मकदुनिया में तीतुस नै मिलण गै बाद बिनै पतो लागग्यो कै बिस्वासी मण्डली में अबी तांई झगड़ो है, ईंखातर ओ खत लिख्यो है क्यूंकै बठै गा धरम गुरू अजे तांई बिंया करण लागरया है।
ईं खत में पौलुस पर उठाया सवालां गा जबाब बी है अर इमै परमेसर गै ग्यान गी बातां बी है, जिंया मसी यीसू नै मरेड़ा ऊं जींवतो करयो जाणो अर सरसटी करण आळो दयालु अर सांती देण आळो है। परमेसर पर बिस्वास करणाळै नै बी इंया जींवतो करसी। ईं संसार गो ईस्वर तो सैतान धोखो देगे काम करै है पण मसी गै बलिदान गी अर पाप माफ करण गी जाणकारी बिमै है झिकी कुरुन्थ गी बिस्वासी मण्डली नै दी।
रूप रेखा
पौलुस गी ओर ऊं निमस्कार 1:1-2
पौलुस द्वारा परमेसर नै धन्यवाद करणो 1:3-11
पौलुस अर कुरुन्थ गी बिस्वासी मण्डली गै बारै में 1:12–7:16
यहुदियों लोगों गो दान देणो 8:1–9:15
पौलुस गै द्वारा खास चेला गै रूप में दरजो देणो 10:1–13:10
आखरी निरदेस 13:11-14