Zaakö i

'Bɔgʋʋ

Zaakö

'cɛlɩɛ

'Bɔgʋ nɩ 'mö a wɛlɩɩ

Nɩkpɛɛ ‑ɔ 'cɛlɩɛ 'bɔgʋ nɩ 'mö wa laa Zaakö. Wa lɛ ‑Alowli Zezwii a ‑daayu ɔ glɩnɩɛ. Zezwii a ‑nʋa a ‑zɩkpaa ‑a ‑wʋä ‑mä Zeluzalɛɛmöö, a 'yukugänɩwaa gla'mö, ‑mä ɔ ‑wʋmöä.

Yizlaɛlɩ a ‑gligbïï kʋgbä'sɔ ‑kpɔ 'mö a nɩkpaa, ‑wa 'zʋä Zezwii a ‑nʋä zaa, wa 'yɩa 'klɩ, ‑sɩbhä a za ‑wa mlɩnɩɛ dʋdʋ a këtiea 'wuë 'wʋʋ, 'mö ɔ 'pää 'bɔgʋ nɩ 'wʋ. ‑Mä wʋ 'mö, nɩkpa 'la, 'mö ɔ pää swɩ nyɛmʋ 'mö nɩɩ, ‑mä 'wa 'klɩyɩyɛɛ 'mö, wa nɩ ‑kpaanɩ dlɩ 'mö, wa nɩ 'nɛɛ, wa nɩ ‑lɛ wanyɩ dʋdʋ 'wʋ, 'wa nʋnʋlii 'wuë nɩ ‑wʋ ‑lagɔsɛ 'yize. Ɛ'ɛ ‑bhö nyɩasɛ, maa ‑mä yɔlɔylʋ a nimï, ‑mä ‑li a ‑lii ‑wʋä.

Wa gla'mö a wʋlʋnɩwaa, 'mö ɔ 'nyɛɛ 'dɩ nɩɩ, wa nɩ kwänɩ 'pʋawaa. ‑Maa wa nɩ tɩ 'wa wʋlʋnɔɔ 'mö bhanɩ, ‑maa wa nɩ kwänɩ 'pʋawaa.