1 Piɛlɩ i

Tɛkäbɔgʋʋ

Piɛlɩ

'cɛlɩɛ

'Bɔgʋ nɩ 'mö a wɛlɩɩ

Piɛlɩ ‑ɔ 'cɛlɩɛ 'bɔgʋ nɩ‑ɩ, Zezwii a ‑nʋa a ‑zɩkpaa ‑a ‑wʋä ‑mä Zeluzalɛɛmöö, a 'yukugänɩnyɔ ɔ glɩnɩmöä. Zwiiföwaa, ‑wa 'zʋä Zezwii a ‑nʋä, wa 'yɩaa ‑sɩbhä a za 'klɩ, zaa ‑wa möä ‑mä Azii‑bhölɩɩ 'mö ‑guëë, 'mö ɔ 'pää 'bɔgʋ nɩ 'wʋ. ‑Mä wʋ 'mö, 'dɩ 'mö ɔ 'zuëë nɩɩ, Zezwii a dlɩtɛɛnɩ dɔ'wʋ, swɩ nɩ tuë yɔwʋ 'kunɩ. Ɛ'ɛ ‑bhö nyɩasɛ, ‑maa Lagɔ ‑ɔ ‑wʋä 'wlɩlɩ, ‑ɔɔɔ ‑lizoku 'mö ‑kää, mɔɔ ‑sʋʋä ‑lɛ wa 'kä ɔ 'yize a ‑nʋä glɩnɩ. Zaa, 'wa nɛmönɛmösaa 'wuë nɩ ‑wʋ Lagɔsɛ 'yize. Ɛ'ɛ ‑bhö fʋ, ‑maa Lagɔ yuë 'ylɩ ‑bhlʋ 'mö ‑mä ɔ yɔwʋ 'bhle 'nyɛ. Wa wʋlʋnɔ ‑kʋnuë ‑mä.