'Sɔnabɔgʋʋ Pɔɔlʋ 'cɛlɩɛ
Timotee
'wʋʋ
'Bɔgʋ nɩ 'mö a wɛlɩɩ
Pɔɔlʋ ‑wʋ ‑mä Ghlɔɔmö ‑jie 'mö, 'n ɔ yiɛ 'sɔnabɔgʋ nɩ cɛlɩ. Ɛ'ɛ ‑bhö nyɩasɛ, ‑maa, 'mö Pɔɔlʋ, ɔ ‑yi sɛ nɩɩ, 'tɛnyɩɩ ‑ɛ tʋä ‑mä ɔ 'kä mä'ä 'pɩwʋ 'bhöö, ɛ'ɛa'a ‑zu. Nza ɔ 'cɛlɩɛ Timotee 'bɔgʋ nɩ 'wʋ. ‑Mä wʋ 'mö, sɛɛ ɔ nyɛɛ Timotee 'dɩ nɩɩ, Lagɔ 'a wɛlɩɩ, sɛ yɩ 'nɩ 'mö ‑wʋ oo, sɛ yɩ yi 'mö ‑wʋ oo, ɔ nɩ bii klɩpaa, ɔ nɩ 'nyɛ Zezwii a ‑nʋa gbëaa 'dɩ, ɔ nɩ zlɔmanuë 'mö, ɔ nɩ 'pʋä swɩ nyɛmʋ 'mö, wa 'cɩacɩagbʋ nɩ plɛnɩmɔɔ. Sa'a ɔ 'zoo 'dɩ 'mö.