Tiitɩ i

'Bɔgʋʋ Pɔɔlʋ 'cɛlɩɛ

Tiitɩ

'wʋʋ

'Bɔgʋ nɩ 'mö a wɛlɩɩ

Tiitɩ, Glɛköyi ɔ glɩnɩɛ. Nɩkpaa Pɔɔlʋ ‑nyɛɛ nʋää ‑Alowli Zezwii 'a libhoo, wa gla'mö, ‑mä ɔ ‑wʋmöä. 'Mö Pɔɔlʋ tɩɛ ‑mä Klɛɛtɩ‑bhölɩɩ 'mö, ɔ 'kä Zezwii a ‑nʋa a ‑zɩkpölilii ‑yɩ ‑wʋä ‑mä 'wlu gïganɩ. Ɔ ‑wʋ ‑mä, 'n Pɔɔlʋ yoo 'bɔgʋ nɩ 'wʋ 'pä. ‑Mä wʋ 'mö, sɛ'ɛ ɔ nyɔɔ 'dɩ nɩɩ, ɔ nɩ ‑sɛ nɩkpa wa 'kä bhʋlʋbhlʋ ‑zɩkpölili 'la 'yuku ‑gänɩ. Nɩkpa 'la ɔ 'kää ‑sɛɛ, sɛ wa kää wa 'kä ‑wʋʋ, 'n ɔ yoo ‑sɩbhä sʋlʋnɩ.

Ɔ sʋlʋnɔɔ ‑sɩbhä 'wëë, Ngwlɩɩ muë, nyɛgbayuëa muë, 'dumöwʋyuëa muë 'n göwaa, wa 'wuë, sɛ wa ‑wʋä ‑mä Zezwii a ‑nʋa a ‑zɩkpaa 'möö, 'n ɔ yuëa'aa 'dɩ 'mö zʋ nɩɩ, Zezwii Kliisɩ, mɔɔ 'wlʋä 'ɔ 'pɩwʋʋ 'mö nɩkpaa 'wuë 'kä 'pʋ a za. Zaa, wa nɩ ‑wanɩ. Wa nɩ tɩ 'yli 'mö dlidlinɩ.