Surana Paulu to Napakatu i
Titu
Laluita to mopakanótó óntóꞌna sura
Paulu moukiꞌ sura deꞌe roo moukiꞌ sura to rungu-runguna i Timotiu, rekeꞌ-rekeꞌna pare ini puloꞌna hai ini roo karapoánákana Iesu (66M), hai hangko tiꞌara mani moukiꞌ sura to karongkánina i Timotiu. Tiꞌara marue hangko ionoꞌ, Paulu rahuku mate.
Titu to motarima sura deꞌe tiꞌara toIahudiꞌ, agáiáná marue miꞌi mepoinálái i Pueꞌ Iesu. Ia mobágóꞌ hingkakani hai Paulu mampopolumao bágóꞌna Pueꞌ i puló Kereta. Paulu membiáꞌ i Titu bona toroꞌ sieruꞌ i puló iti bona mopaturoꞌheꞌ toSarani to toroꞌ ionoꞌ.
Tunggáiána Paulu moukiꞌ sura deꞌe, bona Titu moisá noumbá rárána mokádipuráheꞌ toSarani to ara i Kereta, hai bona napaturoꞌheꞌ mokana i bábehiá to hintotoꞌ i tadulakoraꞌ toSarani, hai noumbá rárána bona peisáheꞌ mopaturoꞌheꞌ to sae, to maleheꞌ, hai hawiꞌ. Kahópóꞌána, Paulu mopaturoꞌheꞌ upu-upu toSarani bona mombepokaꞌahiꞌ hai tiꞌaraheꞌ mosisisalaꞌ.
Óntóꞌna
1. Tabeá (1:1-4)
2. Paturoꞌ kana i tadulakoraꞌ toSarani (1:5-16)
3. Paturoꞌ to mopakanótó apa to hintotoꞌ rabábehi tosae, to maleheꞌ, hai hawiꞌ (2:1-15)
4. Paturoꞌ i upu-upu toSarani (3:1-11)
5. Pembiáꞌ hai tabeá to kahópóꞌána (3:12-15)