Nupopolumao maroꞌa pobágóꞌmu mopahaweꞌ ngkóráꞌna Pueꞌ Ala
4
I kahaweꞌna huleꞌ Pueꞌ Iesu i duniáꞌ deꞌe,
Ia ina mopárentái upu-upu tauna láwiꞌ Ia Datu,
hai Ia ina mohoda-hoda kárá-káráraꞌ upu-upu tauna,
maroꞌa to tueꞌ,
maroꞌa to mate miꞌi.
Onoꞌ miꞌi haneꞌi,
i lindoꞌna Pueꞌ Ala hai Kerisitu Iesu,
kuweꞌikoꞌ laluita deꞌe:
2 Hangaa-ngaa timamakoꞌ oaꞌ mopahaweꞌ ngkóráꞌNa i tempó to maroꞌa ba i tempó to tiꞌara maroꞌa.
Nupaingáꞌiheꞌ tauna to mobábehi salaꞌ hai nukóntóheꞌ,
haneꞌi nupalindó laluraꞌ bona maroꞌa bábehiáraꞌ.
Hangaa-ngaa sabaraꞌkoꞌ oaꞌ mopaturoꞌheꞌ.
3 Láwiꞌ i alo to ina haweꞌ,
tauna tiꞌara piꞌi ina moundeꞌ mampehádingi paturoꞌ to toꞌu.
Ina mampeliꞌraheꞌ guru-guru to mopaturoꞌheꞌ hai laluita to mopagóeꞌ peá laluraꞌ,
bona peisáheꞌ mampeuláꞌi peundeꞌána laluraꞌ,
{kehapiꞌ kadake}.
4 Ane mohádiheꞌ paturoꞌ to toꞌu,
ina mentibongoꞌheꞌ,
hai paturoꞌ to rapetoara riꞌi to ina raundeꞌ rapehádingi.
5 Onoꞌ miꞌi haneꞌi kuweꞌikoꞌ laluita,
Timotiu,
bona nupatetidaꞌ pekirimu i apa peá to mewaliꞌ,
hai mantahakoꞌ mantódihá kapári.
Nupahaweꞌ oaꞌ Ngkóráꞌ Marasa i tauna to tiꞌara maniheꞌ mohádi,
hai nupopolumao maroꞌa upu-upu bágóꞌ to naweꞌikoꞌ Pueꞌ haweꞌ i kahópóꞌána.
6 Kuisá,
tiꞌara piꞌi marue katueꞌkuꞌ i duniáꞌ deꞌe;
ina haweꞌ miꞌi tempóngkuꞌ.
Kehapiꞌaꞌ rapapate,
kupaisarenga katueꞌkuꞌ deꞌe i Pueꞌ Ala.
Iti miꞌi to ina mewaliꞌ popenómbángkuꞌ i Hia.
7 Kupahópóꞌ miꞌi upu-upu bágóꞌ to naweꞌiaꞌ Pueꞌ Ala,
nodo hadua tauna to menangi hangko i potandi,
hai pepoináláingkuꞌ maróhó mani kakutibaaꞌna.
8 Mewaliꞌ deꞌe-deꞌe,
timama miꞌi i surugáꞌ háwángina penangingkuꞌ,a
láwiꞌ kupeuláꞌi miꞌi peundeꞌána Pueꞌ Ala.
Háwángina penangingkuꞌ iti ina naweꞌiaꞌ Pueꞌ i alo pobutusi i kahópóꞌána duniáꞌ,
i tempóna mohoda-hoda kárá-kárána upu-upu tauna i kanótó-nótóána.
Hai tiꞌara kódóꞌ peá to ina molámbiꞌ parasee.
Upu-upu tauna to mampegiá kahaweꞌna huleꞌ Pueꞌ,
ina molámbiꞌheꞌ woꞌo háwángina pepoináláiraꞌ i Hia.
Paturoꞌ to kahópóꞌána
9 Timotiu,
nupári-pári bona hawiáꞌ wongkódóꞌá mai nuweoꞌ,
10 láwiꞌ tiꞌara piꞌi ara to mamporángáꞌaꞌ ieneꞌ.
Dema mopálehimoꞌ,
láwiꞌ pohuꞌ miꞌi lao i kótá Tesalonika mampeliꞌ peá katueꞌána i duniáꞌ deꞌe.
Ane Keresike,
lao miꞌi i tampoꞌ Galatia.
Titu woꞌo lao miꞌi i tampoꞌ Dalamatia.
11 Lukasi perái to hingkakani hai kódóꞌ.
Ane maikoꞌ,
nuropoꞌ mai Marakusi nuporángá bona mai ieneꞌ,
láwiꞌ ia peisá motulungiaꞌ i lalu pobágóꞌkuꞌ.
12 Tikikub kuhuoꞌ miꞌi lao i hio i kótá Epesu.
13 Kupembiáꞌ woꞌo bona nuántiáꞌaꞌ mai kumbángkuꞌ to makápác to kupálehi i kótá Teroasi i támbina Kapusi.
Nupahiánti woꞌo mai surangkuꞌ to ionoꞌ.
To kuparaluu ntepuꞌu,
sura to rabábehi hangko i koliꞌ binataꞌ.
14-15 Maingáꞌ-ingáꞌkoꞌ i Alesande,
topobábehi párewá hangko i tambaga.
Ia moewaꞌ paturoꞌtaꞌ.
Handaꞌ bábehiána to kadake i kódóꞌ.
Bábehiána iti ina naháwángi Pueꞌ Ala.
16 I karahoda-hodana kárá-kárángkuꞌ rungu-runguna,
tiꞌara mpuꞌu ara haweꞌ hadua to motulungiaꞌ.
Upu-upuheꞌ mopálehiaꞌ.
Kupembiáꞌ i Pueꞌ bona Ia tiꞌara moháwángi bábehiáraꞌ iti.
17 Agáiáná kehapiꞌ tiꞌara ara tauna to mamporángáꞌaꞌ,
Pueꞌ haduduáNa to mamporángáꞌaꞌ oaꞌ.
Ia to mampoweꞌiaꞌ róhó mopahaweꞌ Ngkóráꞌ Marasa i katoꞌu-toꞌuána,
bona i támbi pobutusiá upu-upu tauna to tiꞌara toIahudiꞌ mohádi bámbári iti.
Kahópóꞌána,
Pueꞌ mokábáháꞌaꞌ hangko i kapate.d
18 Hai deꞌe-deꞌe,
bateꞌkuꞌ ina nakábáhá Pueꞌ hangko i upu-upu to kadake.
Ina Naꞌántiaꞌ mesuaꞌ i lalu popárentáNa i surugáꞌ.
Tapomahile hangaꞌNa duuꞌna i rue-ruena.
Ami!
Tabeá hai pewátiꞌ to kahópóꞌána
19 Nupahaweꞌ tabeángkuꞌ i tohambokoheꞌ Akila hai Pirikila,e
hai i Onesiporu hantámbi.
20 Eratu ara mani i kótá Korintu.
Toropimu kupálehi i kótá Miletu láwiꞌ tiꞌara nalalu.
21 Nugagu mai hangko tiꞌara mani haweꞌ tempó lengiꞌ!
Tabeá hangko i Ebulu,
Pudeꞌ,
Linu hai Laudia,
hai hangko i upu-upu halalu hampepepoináláintaꞌ to ara ieneꞌ i kótá Roma.
22 Timotiu,
Pueꞌ Ala mamporángákoꞌ.
Hai kupembiáꞌ bona Pueꞌ mowátiꞌkou upu-upu.
Hangko i kódóꞌ,
PAULU