Surana Paulu to Rungu-runguna i
Timotiu
Laluita to mopakanótó óntóꞌna sura
Paulu mopakatu sura deꞌe i Timotiu, hadua tobaleilo to maleheꞌ mani to mamporángá Paulu hangkoia i polumaoána moánti Ngkóráꞌ Marasa. Umána Timotiu iti toIunani hai inána toIahudiꞌ (Suro 16:1). I tempóna Paulu moukiꞌ sura deꞌe bahangapa parena roo kalaoána i kótá Roma, Timotiu ara i kótá Epesu, hai Paulu ara i tampoꞌ Makedonia (1 Timotiu 1:3).
Ara bahangapa tunggáiána Paulu moukiꞌ sura deꞌe. Kaꞌisáꞌ, mampohawaꞌá Timotiu bona moewaꞌ oaꞌ tauna to moánti paturoꞌ to mepakanawoꞌ. Paturoꞌraꞌ tauna iti mokábelái laluita hangko i Paturoꞌna Musa, agáiáná tiꞌara toꞌu pampeuláꞌiraꞌ. Mouláꞌ paturoꞌraꞌ, hangaa-ngaa mampeuláꞌikeꞌ áturá-áturá bona molámbiꞌkeꞌ katehómpóꞌ. Ane áturáraꞌ iti, handaꞌ pákáꞌna; rápáꞌna: tiꞌarakeꞌ peisá mohamboko, hai tiꞌarakeꞌ peisá mandeꞌ to rapáliá.
Kaduá, Paulu mampolaluitaꞌá Timotiu rárá mampopolumao bágóꞌ i jemaꞌa. Napakanótóá noumbá pambiáráraꞌ tauna to peisá raꞌángkáꞌ mewaliꞌ pinátuáraꞌ toSarani hai topobágóꞌ i jemaꞌa.
Kahópóꞌána, Paulu mopaturoꞌ Timotiu noumbá rárána bona ia mewaliꞌ hadua huoꞌána Pueꞌ Iesu to maroꞌa. Napaturoꞌá woꞌo bona maroꞌa pambiárána hai maroꞌa pokádipurána upu-upu halalu hampepepoináláina.
Óntóꞌna
1. Tabeá (1:1-2)
2. Paulu mopaturoꞌá Timotiu rárá mokádipurá halalu hampepepoináláina, hai bábehiá to hintotoꞌ i pinátuáraꞌ toSarani (1:3–3:16)
3. Paulu mopaturoꞌ Timotiu kana i bágóꞌna (4:1–6:21)