Amosi i

Amosi

Laluita to mopakanótó óntóꞌna sura

Amosi ia miꞌi hadua nabiꞌ to mopahaweꞌ laluitana Pueꞌ rekeꞌ-rekeꞌna pare pitu átuna ini puloꞌna hangko tiꞌara mani Iesu rapoánáka (760sM). Tempó iti, kadatuáraꞌ toIahudiꞌ tegáláꞌ miꞌi romboloꞌ: hamboloꞌ ia miꞌi kadatuá Iudá tándáꞌ i wóiꞌ. Pehodaꞌá popárentáꞌána i kótá Ierusale. Hai to hamboloꞌna ia miꞌi kadatuá Sáráeliꞌ tándáꞌ i wongko. Pehodaꞌá popárentáꞌána i Samaria. Amosi iti hangko i wánuá Tekoa i tampoꞌ Iudá, agáiáná ia lao i kadatuá Sáráeliꞌ mopahaweꞌ ngkóráꞌna Pueꞌ Ala. (Básá Amosi 7:10-12.) Handaꞌ ntepuꞌu laluitana Pueꞌ to napahaweꞌ nabiꞌ Amosi i toSáráeliꞌ. Tempó iti, tauna to pebuku i tampoꞌ Sáráeliꞌ maroꞌa ntepuꞌu katueꞌraꞌ, agáiáná araheꞌ woꞌo tauna to pebuku to mopamapáriheꞌ tauna to meahiahiꞌ, hai pakaheꞌ woꞌo mobagiuꞌ to meahiahiꞌ tueꞌraꞌ.

Handaꞌheꞌ toSáráeliꞌ to menómbá i ánitu. Tauna to menómbá i Pueꞌ tempó onoꞌ tiꞌaranto hangko i laluraꞌ ntepuꞌu, onoꞌ miꞌi haneꞌi Amosi mopahaweꞌ laluitana Pueꞌ Ala i toSáráeliꞌ, nauliꞌ node: “Pueꞌ ina mohuku toSáráeliꞌ,” hai napahaweꞌ woꞌo, toSáráeliꞌ ina ratawaniheꞌ i tampoꞌ ntániꞌna. Amosi mopaturoꞌheꞌ toSáráeliꞌ bona mobábehiheꞌ bábehiá to maroꞌa hai mesuleꞌheꞌ i Pueꞌ, babilaꞌ Ia ina mampokaꞌahiꞌ mani pentáráꞌána pemuleꞌána Sáráeliꞌ (5:15). Hai napahaweꞌ woꞌo Amosi, i kahópóꞌána duniáꞌ, Pueꞌ Ala ina moaró huleꞌ kadatuá Sáráeliꞌ hai ina mowátiꞌheꞌ (9:11-15).

Óntóꞌna

1. Pantepuꞌuána (1:1-2)

2. Pueꞌ Ala ina mohuku toSáráeliꞌ hai upu-upu tauna to hungkuꞌ ionoꞌ (1:3-2:16)

3. Popahaweꞌ mokana i pehukuna Pueꞌ (3:1-6:14)

4. Pampetudeꞌá mokana bahangapa pákáꞌna pehuku (7:1-9:10)

5. Kadatuá Sáráeliꞌ ina raꞌaró huleꞌ (9:11-15)