Danieli
Ánáꞌntomoane toIahudiꞌ i támbi kadatuána Nebukanesa
1
I pare katálu Datu Ioiaki mepárentá i tampoꞌ Iudá,a
Nebukanesa datu i Bábeli laoheꞌ molibuꞌ toIerusale.b
2 Pueꞌ mopatodáhi Nebukanesac monangi Datu Ioiaki hai mamperampaꞌi hantángáꞌ párewá to rapakeꞌ i Támbina Pueꞌ Ala.
Upu-upuna naꞌánti lao i tampoꞌ Bábelid hai nawoli i lalu támbi ánituna.
3 Hangko ionoꞌ,
mohawaꞌ miꞌi datu i Asepena to motadulakoi támbi kadatuána,
bona mampileꞌi bahangapa ánáꞌntomoane to pemuleꞌánaheꞌ tuꞌáná hai pemuleꞌána datu-datu hangko i oloꞌraꞌ toSáráeliꞌ to ratawani.
4 Hira iti ánáꞌntomoane to maroꞌa powátáraꞌ,
malápákáheꞌ,
mapángkáꞌ posikolaꞌraꞌ,
mapándeheꞌ,
handaꞌ ntepuꞌu to raisá,
hai hintotoꞌheꞌ mobágóꞌ i támbi kadatuá.
Asepena rahuoꞌ mopaturoꞌheꞌ mobásá hai moukiꞌ i lalu básáraꞌ toBábeli.e
5 Hai mouláꞌ popakanótóna datu,
pandeꞌraꞌ hai painuraꞌ alo-alona,
hangaa-ngaa hibali hai datu.
Hira hangaa-ngaa rapaturoꞌheꞌ tálu parena kamaruena.
Roo onoꞌ,
hangaa-ngaa mobágóꞌheꞌ i datu.
6 I oloꞌraꞌ ánáꞌntomoane iti,
araheꞌ woꞌo bahangapa tauna to hangko i tampoꞌ Iudá,
iamoheꞌ:
Danieli,
Hanaia,
Misaeli,
hai Asaria.
7 Asepena to motadulakoi támbi kadatuá,
mobáliki hangaꞌraꞌ hadua-hadua:
Danieli mewaliꞌ Beletasaꞌ,f
Hanaia mewaliꞌ Sadara,g
Misaeli mewaliꞌ Mesaꞌ,h
hai Asaria mewaliꞌ Abeꞌnego.i
8 Danieli mopakanótó bona tiꞌara mopakedái wátána moliu pandeꞌ to hangko i datu,
noꞌonoꞌ woꞌo hai anggoroꞌ to biásá nainu datu.
Mewaliꞌ napolaluita mpuꞌu miꞌi tunggáiána iti i Asepena to motadulakoi támbi kadatuá.
9 Pueꞌ Ala mowátiꞌ Danieli,
hai ia molámbiꞌ pepokaꞌahiꞌ hangko i Asepena,
tadulakoraꞌ topobágóꞌ i támbi kadatuá iti.
10 Agáiáná ánti kamalááꞌna Asepena i datu,
onoꞌ haneꞌi molaluita miꞌi i Danieli,
nauliꞌ,
“Datu haduduána to mopakanótó pandeꞌ hai painumi.
To kupokalááꞌ ia miꞌi,
ane mouláꞌ i pampeitána datu,
tiꞌara maroꞌa powátámu hangko i ánáꞌntomoane to ntániꞌna,
hangaa-ngaa ina napapateaꞌ.”
11 Hangko ionoꞌ,
molaluita miꞌi Danieli i topekámpái to napohawaꞌá miꞌi Asepena bona mokádipuráheꞌ Danieli,
Hanaia,
Misaeli hai Asaria.
12 Nauliꞌ Danieli node:
“Nupehukáꞌ miꞌi sieruꞌ i kaiꞌ hawiꞌmu.
Hampuloꞌ alona kamaruena,
nupoweꞌi peangkaiꞌ haloꞌ-haloꞌ kiandeꞌ hai uwai ntooꞌ kiꞌinu.
13 Hópóꞌ miꞌi hampuloꞌ alona,
nupampeitai powátángkiꞌ,
nupahibali hai wátáraꞌ ánáꞌntomoane to ntániꞌna to mandeꞌ pandeꞌ hai painu to hangko i datu,
bona nuisá heáná to maroꞌa powátána.
Hai hangko ionoꞌ,
nubábehi miꞌi i kaiꞌ apa peá to maroꞌa mouláꞌ popakanótómu.”
14 Mewaliꞌ napokana mpuꞌu miꞌi pembiáꞌraꞌ iti.
Hangko ionoꞌ,
napampehukáꞌi mpuꞌumoheꞌ hampuloꞌ alona kamaruena.
15 Hópóꞌ miꞌi tempó to tepakanótó,
tongawaꞌ kamaroꞌana riꞌi wátáraꞌ,
hai tongawaꞌ woꞌo kamaruduꞌraꞌ hangko i ánáꞌntomoane to molámbiꞌ pandeꞌ hai painu hangko i datu.
16 Mewaliꞌ to mokádipurá ánáꞌntomoane to iba iti,
tiꞌarapoheꞌ napoweꞌi pandeꞌ hai painu to hangko i datu,
ngkáliꞌna riꞌi napoweꞌi peramoheꞌ oaꞌ haloꞌ-haloꞌ hai uwai ntooꞌ.
17 I ánáꞌntomoane to ibaheꞌ iti,
Pueꞌ Ala mampoweꞌi kapánde,
bona peisáheꞌ molempónga darita to teukiꞌ,
hai handaꞌ to raisá kana i duniáꞌ.
Hai Pueꞌ woꞌo mampoweꞌi kapánde i Danieli bona naisá molempónga mampopengaa paturu hai pampetudeꞌá.
18 Hópóꞌ miꞌi tálu parena,
tempó to napakanótó datu,j
upu-upu ánáꞌntomoane iti naꞌántiheꞌ Asepena bona laoheꞌ mampombelindoꞌá Datu Nebukanesa.
19 Datu molaluita hai hira upu-upu,
hai tongawaꞌ hangko i pehániꞌraꞌ,
tiꞌara ara to hibali kamapánderaꞌ nodo Danieli,
Hanaia,
Misaeli hai Asaria.
Hangko ionoꞌ,
mantepuꞌumoheꞌ mobágóꞌ i támbi kadatuá.
20 I pákáꞌ-pákáꞌna to mewaliꞌ to moparaluu kanótó lalu hai kapánde,
datu mekuneꞌ i hira,
hai tongawaꞌ ntepuꞌu kamapánderaꞌ to ibaheꞌ iti melumbuꞌ hampuloꞌ kánina hangko i upu-upu tauna to handaꞌ pangisáraꞌ i humalele kadatuá.
21 Danieli mobágóꞌ oaꞌ i támbi kadatuá,
haweꞌ-haweꞌ i tempóna Datu Koresi hangko i Peresia monangiheꞌ toBábeli.k