Nani petóiá i penangiraꞌ mombeala
149
Haleluia! Tatóiá PUEꞌ!Mamponanikou nani to woꞌu i PUEꞌ.
Nitóiá PUEꞌ i oloꞌraꞌ tauna to tetidaꞌ i Hia.
2 Ee toSáráeliꞌ, góeꞌ-góeꞌmokou
láwiꞌ Ia to mampopewaliꞌkou.
Ee to i Sio, mohoraꞌ-horaꞌmokou
ánti kaꞌIana Datumi.
3 Mamponanikou nani petóiá i PUEꞌ hai motáróꞌkou,
mokadoꞌkou rebana hai mokáwiꞌ kasapi,
4 láwiꞌ PUEꞌ mampokagóeꞌ taunáNa,
Ia mampopenangiheꞌ to mehárungá i Hia.
5 Hampóáꞌworia tauna to tetidaꞌ góeꞌ-góeꞌheꞌ,
hai hambengiá-ngiá monani-naniheꞌ ánti kagóeꞌ-góeꞌraꞌ,
láwiꞌ PUEꞌ motulungimoheꞌ monangi ewáliraꞌ.
6 Hampóáꞌworia molaluitaheꞌ mampomahile Pueꞌ Ala,
hai motibaaꞌheꞌ pihoꞌ to momata potimbali.
7 Ina moháwángiheꞌ bábehiáraꞌ ewáliraꞌ,
hai mohukuheꞌ tauna i tampoꞌ ntániꞌna.
8 Ina motimpukuheꞌ daturaꞌ ewáliraꞌ,
hai morante tadulako-tadulakoraꞌ.
9 Ina mampopolumaoheꞌ pehuku
to napakanótó miꞌi Pueꞌ Ala i ewáliraꞌ.
Onoꞌ miꞌi haneꞌi tauna to tetidaꞌ i Hiaa ina rabiláꞌ.
Haleluia! Tatóiá PUEꞌ!