Nani petóiá to kahópóꞌána
150
Haleluia! Tatóiá PUEꞌ!Motóiámokou Pueꞌ Ala i katoroꞌáNa to magasaꞌ.
Nitóiá miꞌi i surugáꞌ to maróhó.
2 Nitóiá miꞌi Pueꞌ Ala ánti upu-upu to Nabábehi
to mopatongawaꞌ kamakuasaꞌNa.
Nitóiá miꞌi ánti kamahilena tueꞌNa.
3 Nitóiá miꞌi PUEꞌ hai motawueꞌ tamburuꞌ.
Nitóiá miꞌi PUEꞌ mokáwiꞌ gambusuꞌ hai kasapi.
4 Nitóiá miꞌi PUEꞌ, mokadoꞌ-kadoꞌ rebana, hai motáróꞌ-táróꞌkou.
Nitóiá miꞌi PUEꞌ mokáwiꞌ kasapi hai motawueꞌ tulali.
5 Mokadoꞌ-kadoꞌkou ndongi motóiá PUEꞌ,
ndongi to mahile hai ndongi to kókóiꞌ.
6 Hampóáꞌworia upu-upu to tueꞌ motóiá PUEꞌ!
Haleluia! Tatóiá PUEꞌ!