Kamaꞌahiꞌna Pueꞌ Ala tiꞌara mokahópóꞌá
136
Tatóiá PUEꞌ ánti kamaroꞌaNa!KamaꞌahiꞌNa haweꞌ i rue-ruena.
2 Motóiákou Pueꞌ Ala to melumbuꞌ kuasaꞌNa
hangko i upu-upu to rapenómbái.
KamaꞌahiꞌNa haweꞌ i rue-ruena.
3 Motóiákou Pueꞌ
to melumbuꞌ kamakuasaꞌNa hangko i upu-upu pueꞌ.
KamaꞌahiꞌNa haweꞌ i rue-ruena.
4 Ia peá to mobábehi to maroꞌa ntepuꞌu.
KamaꞌahiꞌNa haweꞌ i rue-ruena.
5 Ia mampopewaliꞌ langiꞌ ánti kamapándeNa.a
KamaꞌahiꞌNa haweꞌ i rue-ruena.
6 Ia to mowálá tampoꞌ i wongko uwai.
KamaꞌahiꞌNa haweꞌ i rue-ruena.
7 Ia to mampopewaliꞌheꞌ pewangkaꞌ to mahile.
KamaꞌahiꞌNa haweꞌ i rue-ruena.
8 Alo to mokuasaꞌi mabaa.
KamaꞌahiꞌNa haweꞌ i rue-ruena.
9 Wulá hai betue to mokuasaꞌi káindi.
KamaꞌahiꞌNa haweꞌ i rue-ruena.
10 Ia mopapate upu-upu ánáꞌ tobaleilo to towutuꞌ i tampoꞌ Másiriꞌ.
KamaꞌahiꞌNa haweꞌ i rue-ruena.
11 Ia moánti toSáráeliꞌ mesuwuꞌ hangko i oloꞌraꞌ toMásiriꞌ.
KamaꞌahiꞌNa haweꞌ i rue-ruena.
12 Ia moteteꞌheꞌ ánti kuasaꞌNa to mahile.
KamaꞌahiꞌNa haweꞌ i rue-ruena.
13 Ia to mampopogááꞌ tahiꞌ Teberau.
KamaꞌahiꞌNa haweꞌ i rue-ruena.
14 Ia mampopengkalimbaheꞌ toSáráeliꞌ.
KamaꞌahiꞌNa haweꞌ i rue-ruena.
15 Agáiáná Ia mopatámpu Piraoꞌ hai surudadoꞌnaheꞌ i tahiꞌ Teberau.
KamaꞌahiꞌNa haweꞌ i rue-ruena.
16 Ia moteteꞌ taunáNaheꞌ molumao i pádá loriꞌ.
KamaꞌahiꞌNa haweꞌ i rue-ruena.
17 Ia monangi datu-datu to makuasaꞌ.
KamaꞌahiꞌNa haweꞌ i rue-ruena.
18 Ia mopapateheꞌ datu to maróhó.
KamaꞌahiꞌNa haweꞌ i rue-ruena.
19 Ia mopapate Siho, daturaꞌ toAmori.
KamaꞌahiꞌNa haweꞌ i rue-ruena.
20 Ia mopapate Og, datu i tampoꞌ Basana.b
KamaꞌahiꞌNa haweꞌ i rue-ruena.
21 Ia mampeweꞌi tampoꞌraꞌ i toSáráeliꞌ mewaliꞌ tampoꞌ sosoraraꞌ.
KamaꞌahiꞌNa haweꞌ i rue-ruena.
22 ToSáráeliꞌ taunáNa to mewaliꞌ pueꞌ sosora tampoꞌ Kánáꞌá iti.
KamaꞌahiꞌNa haweꞌ i rue-ruena.
23 Ia mambuhinaokeꞌ i kamapárintaꞌ.
KamaꞌahiꞌNa haweꞌ i rue-ruena.
24 Ia mokábáhákeꞌ hangko i kuasaꞌraꞌ ewálintaꞌ.
KamaꞌahiꞌNa haweꞌ i rue-ruena.
25 Ia mopatimama pandeꞌ i upu-upu to tueꞌ.
KamaꞌahiꞌNa haweꞌ i rue-ruena.
26 Nitóiá miꞌi Pueꞌ Ala to ara i surugáꞌ.
KamaꞌahiꞌNa haweꞌ i rue-ruena.