Pekakae bona tauna tepelae hangko i kapári
129
Nani petóiáraꞌ toSáráeliꞌ tempóraꞌ mempanaiꞌ lao i kótá Ierusale.
“Ewálingkuꞌ mopamapáriaꞌ hangko i kamaleheꞌkuꞌ mani.”
Maroꞌa toSáráeliꞌ, niuláꞌ polaluitangkuꞌ deꞌe:
2 “Ewálingkuꞌ mopamapáriaꞌ hangko i kamaleheꞌkuꞌ mani,
agáiáná tiꞌara rabuku monangiaꞌ.
3 Bela kaduꞌkuꞌ, kararu to magáresiꞌna
nodo to rapajekoꞌ.
4 Agáiáná PUEꞌ manótó,
onoꞌ haneꞌi Ia mokábáhámoꞌ
hangko i kuasaꞌraꞌ tauna to kadake.”
5 Mekakaeaꞌ bona upu-upu tauna to mokáhihiꞌ Sio,
ina mahiliheꞌ hai mosuliꞌ láwiꞌ manangimoheꞌ.
6 Kuhárungá katueꞌraꞌ tiꞌara ina mobunduꞌ,
ina nodoheꞌ rumpuꞌ to i wongko atuꞌ
to bangi hangko tiꞌara mani tueꞌ.
7 Rumpuꞌ iti tiꞌara mobunduꞌ,
láwiꞌ tiꞌara peisá rasangkiꞌ ba rabáháꞌ.
8 Biásá tauna to melempó i toposangkiꞌ manguliꞌ:
“Nawátiꞌkoꞌ PUEꞌ! Kipembiáꞌ bona nawátiꞌkoꞌ PUEꞌ.”
Agáiáná tiꞌaraheꞌ ina manguliꞌ noꞌonoꞌ
i tauna to mokáhihiꞌ toSáráeliꞌ.