Pewátiꞌ i tauna to mengkoruꞌ i Pueꞌ Ala
128
Nani petóiáraꞌ toSáráeliꞌ tempóraꞌ mempanaiꞌ lao i kótá Ierusale.
Morasiꞌ miꞌi upu-upu tauna to mengkoruꞌ i PUEꞌ,
to tueꞌ mouláꞌ ráráNa.
2 Ina mandeꞌkoꞌ wuaꞌ pobágóꞌmu haduduámu,
morasiꞌ ntepuꞌukoꞌ, hai maroꞌa katueꞌmu.
3 I lalu támbimu, toinámu nodo kau anggoroꞌ
to handaꞌ powuaꞌna.
Ánáꞌmu to mehoda motolelingi mejámu
ina handaꞌheꞌ nodo kahandaꞌna tumbeꞌ kau saitu.
4 Noꞌonoꞌ miꞌi kaꞌina nawátiꞌna PUEꞌ
tobaleilo to mengkoruꞌ i Hia.
5 Hampóáꞌworia PUEꞌ mowátiꞌkoꞌ hangko i Sio,
bona nuita peawaꞌna Ierusale lántuꞌámu tueꞌ.
6 Hampóáꞌworia ina moitakoꞌ woꞌo ueꞌmuheꞌ.
Roꞌa ngkatueꞌ haweꞌ i toSáráeliꞌ.