Peraruaꞌ i lalu kapári
130
Nani petóiáraꞌ toSáráeliꞌ tempóraꞌ mempanaiꞌ lao i kótá Ierusale.
Ó PUEꞌ, ánti kamapáringkuꞌ to handaꞌ ntepuꞌu,
meraruaꞌaꞌ i Hio.
2 Pueꞌ, Nupehádingiaꞌ wongkódóꞌá,
Nupailalu pembiáꞌkuꞌ.
3 Ó PUEꞌ, ane Nubuhinaoi oaꞌ upu-upu salaꞌkuꞌ,
heáná paꞌi tauna to nabuku mantaha i pehukuMu?
4 Agáiáná i Hio ara peámpungi,
bona mengkoruꞌangkaiꞌ i Hio.
5 Kupegiá ntepuꞌu petulungina PUEꞌ,
hai mehárungáꞌaꞌ i ngkóráꞌNa.
6 Kupegiá petulungi hangko i Pueꞌ
melumbuꞌ hangko i topekámpái mampegiá kaliuna káindi,
melumbuꞌ hangko i topekámpái mampegiá kahaweꞌna mabaa.
7 Ee toSáráeliꞌ, mehárungámokou i PUEꞌ,
láwiꞌ kamaꞌahiꞌNa tiꞌara madepuꞌ-depuꞌ,
hai Ia timama oaꞌ mokábáhá tauna hangko i kapári.
8 Ia peá to ina mokábáhá toSáráeliꞌ
hangko i hinángkáꞌ kamasalaꞌraꞌ.