Pehárungá i lalu kapári
126
Nani petóiáraꞌ toSáráeliꞌ tempóraꞌ mempanaiꞌ lao i kótá Ierusale.
I tempóna PUEꞌ mopamaroꞌa huleꞌ katueꞌraꞌ taunáNaa i buluꞌ Sio,
nodo pekeꞌ tauna to mopaturuá.
2 Matawakeꞌ oaꞌ hai monani-nanikeꞌ ánti kagóeꞌtaꞌ,
haneꞌi tauna i tampoꞌ ntániꞌna manguliꞌ:
“PUEꞌ mopatongawaꞌ miꞌi kamaróhóna kuasaꞌNa
hai mobábehi to maroꞌa ntepuꞌu i toSáráeliꞌ.”
3 Toꞌu to rauliꞌ iti,
PUEꞌ mopatongawaꞌ miꞌi kamaróhóna kuasaꞌNa i kitaꞌ,
onoꞌ haneꞌi góeꞌ ntepuꞌukeꞌ.
4 Ó PUEꞌ, kipembiáꞌ bona Nupamaroꞌa huleꞌ katueꞌkiꞌ
nodo to Nubábehi miꞌi i tampoꞌ Nege,
poráráꞌána uwai to bangi mouwai huleꞌ.
5 Tauna to mohawuka tinudaꞌ tangaꞌna teriaꞌ
ina mampepare i kagóeꞌ-góeꞌ.
6 Tauna to lao mantudaꞌ tinudaꞌ i hinoena,
tangaꞌna moili uwai mátána,
ina mesuleꞌ hai monani-nani ánti kagóeꞌna,
moánti wuaꞌ powiáꞌna to handaꞌ.