Tauna tueꞌ i kamaroꞌa-roꞌa láwiꞌ nakámpáiheꞌ Pueꞌ
125
Nani petóiáraꞌ toSáráeliꞌ tempóraꞌ mempanaiꞌ lao i kótá Ierusale.
Tauna to mehárungá i PUEꞌ
nodoheꞌ buluꞌ Sio to maróhó
hai monónó haweꞌ i rue-ruena.
2 Buluꞌ-buluꞌ motolelingi kótá Ierusale,
noꞌonoꞌ woꞌo PUEꞌ mokámpái taunáNa
mantepuꞌu deꞌe-deꞌe haweꞌ i rue-ruena.
3 Tadulako to kadake tiꞌara ina makuasaꞌ oaꞌ
i tampoꞌ to napeweꞌi miꞌi PUEꞌ i tauna to manótó,
bona tauna to manótó iti tiꞌaraheꞌ meuláꞌ mobábehi to kadake.
4 Ó PUEꞌ, kipembiáꞌ bona Nubábehi to maroꞌa
i tauna to maroꞌa hai bulá laluraꞌ.
5 Agáiáná tauna to mouláꞌ rárá to tiꞌara manótó
ina nahukuheꞌ PUEꞌ hingkakani hai tauna to kadake.
Roꞌa ngkatueꞌ haweꞌ i toSáráeliꞌ!