Pueꞌ Ala mokámpái taunáNa
124
Nani petóiáraꞌ toSáráeliꞌ tempóraꞌ mempanaiꞌ lao i kótá Ierusale. Nanina Daudiꞌ.
Ane rápáꞌna PUEꞌ tiꞌara tándáꞌ i kitaꞌ,
noumbá miꞌi pewaliꞌna?
Maikou toSáráeliꞌ, tapolaluita hingkakani, tauliꞌ:
2 Ane rápáꞌna PUEꞌ tiꞌara tándáꞌ i kitaꞌ
tempóraꞌ ewálintaꞌ mai mampombealaꞌákeꞌ,
3 bateꞌna kerapatunamokeꞌ,
láwiꞌ mabukoꞌ ntepuꞌuheꞌ i kitaꞌ.
4 Keina nodokeꞌ to nawaroha uwai to kebuꞌu
hai maꞌálóhóꞌ,
5 keina nodokeꞌ to rapatámpu ewali duuꞌna mate
i uwai to kebuꞌu hai mehálómpó.
6 Tatóiá miꞌi PUEꞌ, láwiꞌ tiꞌarakeꞌ Napatodáhi
naropuꞌ ewálintaꞌ.
7 Tekábáhámokeꞌ nodo tádáhi to tekábáhá hangko i heáꞌ,
láwiꞌ heáꞌ iti madepuꞌ miꞌi,
noꞌonoꞌ woꞌo katekábáhántaꞌ.
8 PUEꞌ peá to motulungikeꞌ,
Ia miꞌi to mampopewaliꞌ langiꞌ hai tampoꞌ.