Pekakae membiáꞌ ahiꞌ i Pueꞌ
123
Nani petóiáraꞌ toSáráeliꞌ i tempóraꞌ mempanaiꞌ lao i kótá Ierusale.
Ó Pueꞌ to mepárentá i surugáꞌ,
mengoaꞌaꞌ mekakae i Hio.
2 Nodo hawiꞌ tobaleilo mehárungá i tuána tobaleilo,
nodo hawiꞌ towawine mehárungá i tuána towawine,
noꞌonoꞌ woꞌo pehárungántaꞌ i Pueꞌ Ala PUEꞌtaꞌ
duuꞌna Ia mopatongawaꞌ kamaꞌahiꞌNa i kitaꞌ.
3 Ó PUEꞌ, Nupokaꞌahiꞌangkaiꞌ,
kipembiáꞌ bona Nupatongawaꞌ kamaꞌahiꞌMu i kaiꞌ,
láwiꞌ handaꞌ ntepuꞌu tauna to mopakóiꞌangkaiꞌ.
4 Gáná miꞌi karatitibeingkiꞌ tauna to pebuku,
gáná miꞌi karasasalaꞌingkiꞌ tauna to mampepemahile.