Kótá Ierusale ratóiá
122
Nani petóiáraꞌ toSáráeliꞌ tempóraꞌ mempanaiꞌ lao i kótá Ierusale. Nanina Daudiꞌ.
Góeꞌ ntepuꞌuaꞌ mohádi tauna manguliꞌ:
“Maikoꞌ! Laokeꞌ i támbina PUEꞌ!”
2 Deꞌe-deꞌe meángkáꞌmongkaiꞌ
i lindoꞌna babaꞌá kótá Ierusale.
3 Ee kótá Ierusale, kótá to raꞌaró
bona maróhó ntepuꞌu.
4 ToSáráeliꞌ, taunána PUEꞌ, lao i kótá Ierusale
bona motóiáheꞌ PUEꞌ ionoꞌ,
láwiꞌ iti miꞌi áturá to napakanótó miꞌi Pueꞌ Ala i toSáráeliꞌ.a
5 Ionoꞌ miꞌi pehodaꞌáraꞌ daturaꞌ toSáráeliꞌ,
pemuleꞌánaheꞌ Daudiꞌ, to mobutusi kara-kararaꞌ tauna.
6 Mekakaekou bona Pueꞌ Ala mampeweꞌi roꞌa ngkatueꞌ
i tauna to i Ierusale, niuliꞌ:
“Hampóáꞌworia tauna to mampomahile kótá deꞌe
tueꞌ i kamaroꞌa-roꞌa.
7 Hampóáꞌworia Nupoweꞌiheꞌ roꞌa ngkatueꞌ
tauna to toroꞌ i bentena.”
8 Ánti kamaꞌahiꞌkuꞌ i kómu, hángká toSáráeliꞌkuꞌ,
kupekakaeákou, kuꞌuliꞌ:
“Roꞌa ngkatueꞌ haweꞌ i kómu!”
9 Ánti pampomahilengkuꞌ támbina Pueꞌ Ala PUEꞌtaꞌ,
onoꞌ miꞌi haneꞌi mekakaeaꞌ
bona upu-upu to mewaliꞌ i lalu kótá Ierusale
molumao mpakaroꞌa.