Pueꞌ to mokámpáikeꞌ
Nani petóiáraꞌ toSáráeliꞌ i tempóraꞌ mempanaiꞌ lao i kótá Ierusale.
121
Metótóiaꞌ i buluꞌ-buluꞌ.Heáná to ina motulungiaꞌ?
2 PUEꞌ peá to motulungiaꞌ,
Ia miꞌi to mampopewaliꞌ langiꞌ hai tampoꞌ.
3 Tiꞌarakoꞌ ina Napatodáhi rapakanawoꞌ.
Ia tiꞌara ina mengkakaroo mokámpáikoꞌ.
4 Pueꞌ Ala to mokámpái toSáráeliꞌ
tiꞌara haweꞌ hangkani tekapidi.
Ia timama oaꞌ motulungikoꞌ.
5 PUEꞌ miꞌi Topekámpáimu.
Ia ara oaꞌ i hintáiꞌmu bona mamperuruꞌikoꞌ.
6 Alo tiꞌara ina mopamapárikoꞌ tempó mabaa,
noꞌonoꞌ woꞌo wulá tangaꞌ káindi.
7 PUEꞌ ina mokámpáikoꞌ bona tiꞌarakoꞌ hurewuꞌ,
Ia ina mokámpái katueꞌmu.
8 PUEꞌ ina mokámpáikoꞌ iumbá peá kalaoámu,
mantepuꞌu deꞌe-deꞌe haweꞌ i rue-ruena.