Pekakae membiáꞌ tulungi
120
Nani petóiáraꞌ toSáráeliꞌ tempóraꞌ mempanaiꞌ lao i kótá Ierusale.
Tempóngkuꞌ mapári, meraruaꞌaꞌ
membiáꞌ tulungi i PUEꞌ,
hai Ia mohániki pekakaengkuꞌ.
2 Kuꞌuliꞌ, “Ó PUEꞌ, kupembiáꞌ bona Nukábáháꞌaꞌ
hangko i tauna to modongkoꞌ hai mebagiuꞌ.”
3 Ee topebagiuꞌ!
Apa to ina nabábehi Pueꞌ Ala
moháwángi bábehiámu?
4 Ia ina mohuoꞌ surudadoꞌ mopanaꞌkoꞌ,
hai ina naꞌandeꞌkoꞌ api.
5 Hurewuꞌ ntepuꞌuaꞌ,
láwiꞌ nodoaꞌ tauna to toroꞌ i tampoꞌ Mese,
ba mobambaruꞌ i Keda to karaoꞌ ntepuꞌu.a
6 Marue gagaꞌaꞌ toroꞌ hingkakani hai tauna
to mokáhihiꞌ podame.
7 Kuꞌundeꞌ mohintuwuꞌ hai hira,
agáiáná ane molaluitaꞌaꞌ noꞌonoꞌ,
mampoinao peheꞌ mombeala.