Nani mamposusai tempóna Pueꞌ Ala mampopesuwuꞌheꞌ toSáráeliꞌ hangko i tampoꞌ Másiriꞌ
114
Tempóraꞌ toSáráeliꞌ pemuleꞌánaheꞌ Iakomopálehi tampoꞌraꞌ tauna ntániꞌna,
hai mesuwuꞌ hangko i tampoꞌ Másiriꞌ,
2 Pueꞌ Ala mopakanótó tampoꞌ Iudá mewaliꞌ katoroꞌáNa to magasaꞌ,
tampoꞌ Sáráeliꞌ iti mewaliꞌ tampoꞌ to nakuasaꞌi Pueꞌ.
3 I kahaweꞌna Pueꞌ, tahiꞌ Teberau melangka,a
hai uwai Iarade mengkaroo moili.b
4 Buluꞌ-buluꞌ mentimboꞌ-ntimboꞌ
nodo pentimboꞌraꞌ dimbá laki hai ánáꞌ dimbá.c
5 Ee tahiꞌ Teberau, apa riꞌi to nupakalááꞌ haneꞌi melangkakoꞌ?
Ee uwai Iarade, moapa riꞌi haneꞌi mengkaroo poilimu?
6 Ee buluꞌ-buluꞌ, moapa riꞌi haneꞌikou mentimboꞌ-ntimboꞌ
nodo pentimboꞌraꞌ dimbá laki hai ánáꞌ dimbá.
7 Ee tampoꞌ, moenggokoꞌ i lindoꞌna PUEꞌ,
Pueꞌ Ala to napenómbái Iako.
8 Ia to mobáliki buluꞌ watu mewaliꞌ wuhuꞌ,
hai mobábehi pentumbuꞌá uwai hangko i watu to matuꞌa.d